កំពត៖ នៅវេលាម៉ោង ២៣ និង ០៥នាទី ថ្ងៃអាទិត្យ ១២រោច ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១០ ខែមិថុនា ឆ្នាំ២០១៨ កម្លាំងជំនាញការិយាល័យប្រឆាំងគ្រឿងញៀនមន្ទីរយុត្តិធម៌កងរាជអាវុធហត្ថខេត្តកំពត បានចុះបង្រ្កាប និងឃាត់ខ្លួនជនសង្ស័យចំនួន ០៣នាក់ ពាក់ព័ន្ធនឹងករណីជួញដូរ និងប្រើប្រាស់គ្រឿងញៀន នៅចំណុចភូមិថ្កូវ ឃុំឫស្សីស្រុកខាងលិច ស្រុកកំពង់ត្រាច ខេត្តកំពត ។

ជនសង្ស័យមានឈ្មោះ លឹម តាន់លឿ ភេទប្រុស អាយុ ២៩ឆ្នាំ រស់នៅភូមិថ្កូវ ឃុំប្ញស្សីស្រុកខាងលិច ស្រុកកំពង់ត្រាច ខេត្តកំពត។ ឈ្មោះ យិន អឿន ភេទប្រុស អាយុ ៣៦ឆ្នាំ រស់នៅស្រុកហាទៀង ខេត្តគៀងយ៉ាង ប្រទេសវៀតណាម និងឈ្មោះ ចឹង ជុគលី ភេទប្រុស អាយុ ២៨ឆ្នាំ ជនជាតិវៀតណាម រស់នៅស្រុកហាទៀង ខេត្តគៀងយ៉ាង ប្រទេសវៀតណាម រួមទាំងវត្ថុតាងគ្រឿងញៀនម៉ាទឹកកកចំនួន ០២

កញ្ចប់ធំ និង ០៨កញ្ចប់តូច មានទម្ងន់ ៧.១៦ក្រាម (ថ្លឹងទាំងសំបកថង់) រួមនឹងសម្ភារៈសម្រាប់សេពគ្រឿងញៀនមួយចំនួនទៀត ។

បច្ចុប្បន្ន ជនសង្ស័យនិងវត្ថុតាង ត្រូវបានមន្រ្តីជំនាញកំពុងចាត់ការតាមនីតិវិធី។