រតនគិរី៖ លោកឧត្តមសេនីយ៍ត្រី គឹម រស្មី មេបញ្ជាការកងរាជអាវុធហត្ថខេត្ត អញ្ជើញអមដំណើរឯកឧត្តម ថង សាវុន
អភិបាលនៃគណៈអភិបាលខេត្តរតនគិរី និងមានការអញ្ជើញចូលរួមពីបណ្តាប្រធានសុខាភិបាល នៅព្រឹកថ្ងៃសុក្រ ៣កើត ខែបឋមាសាធ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី ១៥ ខែមិថុនា ឆ្នាំ២០១៨ បានប្រគល់នូវសមិទ្ធផលថ្មីមួយទៀត នូវអគាររង់ចាំសម្រាលកូនមួយខ្នង ទុកសម្រាប់បំរើការជូនប្រជាពលរដ្ឋ ដើម្បីជាការចូលរួមចំណែកក្នុងកិច្ចការងារសង្គម។ អគារនេះ បានចាប់ផ្តើមកសាងឡើងនៅថ្ងៃទី០៩ ខែធ្នូ ឆ្នាំ២០១៧ មានកម្ពស់៤ម ទំហំ ១២ម x ៨ម មានបន្ទប់សម្រាករង់ចាំចំនួន ០៣បន្ទប់ ដែលចំណាយថវិកាផ្ទាល់ខ្លួនរបស់លោកឧត្តមសេនីយ៍ និងលោកជំទាវ ជូនដល់មណ្ឌលសុខភាពបង្អែកស្រុកកូនមុំ ខេត្តរតនគិរី ចាប់ពីពេលនេះតទៅ៕
