ព្រះវិហារ៖ នៅវេលាម៉ោង ១៦ និង៣០នាទីថ្ងៃទី១៧ ខែមិថុនា ឆ្នាំ២០១៨ នៅចំណុចភូមិស្រអែមជើង ឃុំស្រអែម ស្រុកជាំក្សាន្ត ខេត្តព្រះវិហារ កម្លាំងមូលដ្ឋានកងរាជអាវុធហត្ថស្រុកជាំក្សាន្ត និងស្នាក់ការសន្តិសុខ ដឹកនាំដោយលោកវរសេនីយ៍ត្រី ពេជ្រ សុភី មេបញ្ជាការកងរាជអាវុធហត្ថស្រុក បានចុះបង្រ្កាបករណីចែកចាយ ជួញដូរ និងប្រើប្រាស់នូវសារធាតុញៀនដោយខុសច្បាប់ ដោយឃាត់ខ្លួនជនសង្ស័យចំនួន០៤នាក់៖

១.ឈ្មោះ អោក វ៉ា ភេទប្រុស អាយុ ៣៣ឆ្នាំ មុខរបរមិនពិតប្រាកដ រស់នៅភូមិត្រាំប៉ោង ឃុំព្រះប្រឡាយ ស្រុកត្រពាំងប្រាសាទ ខេត្តឧត្តមានជ័យ។

២.ឈ្មោះ គួន រ៉ាត់ ភេទប្រុស អាយុ ២៨ឆ្នាំ មុខរបរមិនពិតប្រាកដ រស់នៅភូមិតេជោបុស្សស្បូវ ឃុំស្រអែម ស្រុកជាំក្សាន្ត ។

៣.ឈ្មោះ ឃ្លាំង ឡូត ភេទប្រុស អាយុ ៣២ឆ្នាំ មុខរបរមិនពិតប្រាកដ រស់នៅភូមិតេជោបុស្សស្បូវ ឃុំស្រអែម ស្រុកជាំក្សាន្ត។

៤.ឈ្មោះ ប៊ុត សុភាព ភេទប្រុស អាយុ ៣២ឆ្នាំ មុខរបរមិនពិតប្រាកដ រស់នៅភូមិស្រអែមជើង ឃុំស្រអែម ស្រុកជាំក្សាន្ត ។

វត្ថុតាងដកហូតរួមមាន៖

១.ម្សៅក្រាមពណ៌សថ្លា (ម៉ាទឹកកក) ចំនួន ០៨កញ្ចប់ទំងន់ ១៤,៧៥ក្រាម

២.រថយន្តម៉ាកកូរូឡាពណ៌ទឹកប្រាក់ ពាក់ស្លាកលេខ ភ្នំពេញ 2F-៦០៦៤ ចំនួន ០១គ្រឿង

៣ ជញ្ជីងថ្លឹងគ្រឿងញៀន ០១គ្រឿង

៤.អាវប៉ារ៉ា ០១

៥.លុយរៀលចំនួន ១០០.០០០រៀល

៦.កាបូបដាក់លុយ ០១

៧.សាច់ជូរ ០៣កញ្ចប់

៨.ទូរស័ព្ទ ០២គ្រឿង ព្រមទាំងសម្ភារៈសម្រាប់វេចខ្ចប់ និងជក់មួយចំនួនទៀត។

ក្រោយធ្វើការស្តាប់ចម្លើយជនសង្ស័យខាងលើរួចមក នៅម៉ោង ៩ និង ៣០នាទីថ្ងៃទី១៨ ខែមិថុនា ឆ្នាំ២០១៨ នៅចំណុចភូមិបង្គោល៨ ឃុំស្រអែម ស្រុកជាំក្សាន្តកម្លាំងមូលដ្ឋានកងរាជអាវុធហត្ថស្រុក និងស្នាក់ការ សហការជាមួយកំលាំងការិយាល័យទី២ កងពលតូចលេខ៨ បានចុះបង្រ្កាបករណីជួញដូរ ចែកចាយនូវសារធាតុញៀន ដោយឃាត់ខ្លួនជនសង្ស័យម្នាក់ឈ្មោះ ឆែម ឡុន ភេទស្រី អាយុ ៤១ឆ្នាំ មុខរបរមិនពិតប្រាកដ រស់នៅភូមិត្រពាំងបី ឃុំព្រះប្រឡាយ ស្រុកត្រពាំងប្រាសាទ ខេត្តឧត្តមានជ័យ និងដកហូតវត្ថុតាងរួមមាន៖

១.ម៉ូតូចំនួន ០១គ្រឿង

២.ម្សៅក្រាមពណ៌សថ្លា (ម៉ាទឹកក) ចំនួន ០១កញ្ចប់ធំ១៣,៥៩ក្រាម

៣.ទូរស័ព្ទចំនួន ០១គ្រឿង។

បន្ទាប់មកកម្លាំងបានស្នើសុំដីកាពន្លាតដែនដីពីលោកព្រះរាជអាជ្ញា ទី សុវិនថាល់ ដើម្បីធ្វើការពន្លាតដែនដី នៅវេលាម៉ោង ១០ និង០០នាទី ថ្ងៃខែឆ្នាំដដែលកម្លាំងបន្តបង្រ្កាបបាន៖

១.ម្សៅក្រាមពណ៌សថ្លា (ម៉ាទឹកកក)ចំនួន ៨កញ្ចប់ ៦៥,០២ក្រាម

២.បញ្ជីជំពាក់លុយចំនួន ០១ក្បាល

៣.ទូរស័ព្ទ ០២គ្រឿង

៤. លុយរៀលចំនួន ៣៨០.០០០រៀល

៥.សំភារៈសម្រាប់វេចខ្ចប់មួយចំនួនធំ និងឃាត់ខ្លួនជនសង្ស័យម្នាក់ឈ្មោះ អ៊ូ ម៊ុយអេង ភេទស្រី អាយុ៣៦ឆ្នាំ មុខរបរមិនពិតប្រាកដ រស់នៅភូមិ ត្រពាំងបី ឃុំព្រះប្រឡាយ ស្រុកត្រពាំងប្រាសាទ ខេត្តឧត្តរមានជ័យ។

បច្ចុប្បន្នជនសង្ស័យ និងវត្ថុតាងខាងត្រូវបានកម្លាំងជំនាញអាវុធហត្ថ កសាងសំណុំរឿងបញ្ជួនទៅសាលាដំបូងខេត្តព្រះវិហារដើម្បីចាត់ការតាមនីតិវិធី។