កំពង់ឆ្នាំង : កម្លាំងកងរាជអាវុធហត្ថខេត្តកំពង់ឆ្នាំង បានចុះបង្រ្កាបករណីចែកចាយ និងរក្សាទុកនូវសារធាតុញៀនដោយខុសច្បាប់ និងឃាត់ខ្លួនជនសង្ស័យ ២នាក់ នៅចំណុចភូមិគក ឃុំខុនរ៉ង ស្រុកបរិបូរណ៍ ខេត្កកំពង់ឆ្នាំង នៅវេលាម៉ោង ២១ និង ៣០នាទីយប់ថ្ងៃសៅរ៍ ១១កើត ខែបឋមាសាឍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២៣ ខែមិថុនា ឆ្នាំ២០១៨ ។

ជនសង្ស័យឈ្មោះ ហន សៀងហ៊ា ភេទប្រុស អាយុ ២៤ឆ្នាំ និងឈ្មោះ យុន សុប៉ង់ ភេទប្រុស អាយុ ២៣ឆ្នាំ អ្នកទាំងពីរមានទីលំនៅភូមិគក ឃុំខុនរ៉ង ស្រុកបរិបូរណ៍ ខេត្តកំពង់ឆ្នាំង នឹងដកហូតបានវត្ថុតាងថ្នាំញៀនម៉ាទឹកកកចំនួន ០២កញ្ចប់តូច ទម្ងន់ ០,៣០ក្រាម, ម៉ូតូ ០១គ្រឿង និងទូរស័ព្ទចំនួន ០២គ្រឿង។

បច្ចុប្បន្នជនសង្ស័យ និងវត្ថុតាង ត្រូវបានការិយាល័យជំនាញកំពុងកសាងសំណុំរឿង ដើម្បីបន្តតាមនីតិវិធី ។