កំពង់ចាម៖ កម្លាំងកងរាជអាវុធហត្ថខេត្តកំពង់ចាម បានចុះបង្រ្កាបករណីជួញដូរគ្រឿងញៀន និងឃាត់ខ្លួនជនសង្ស័យបាន០៦នាក់ នៅចំណុចភូមិទី៦ សង្កាត់វាលវង់ ក្រុងកំពង់ចាម ខេត្តកំពង់ចាម នៅវេលាម៉ោង ១៥ និង ០០នាទីរសៀល ថ្ងៃអាទិត្យ ១២កើត ខែបឋមាសាឍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី ២៤ ខែខែមិថុនា ឆ្នាំ២០១៨ ជនសង្ស័យរួមមាន៖

១.ឈ្មោះ ជីវ វុធធន់ ភេទប្រុស អាយុ ២៧ឆ្នាំ រស់នៅភូមិបឹងស្នាយ សង្កាត់សំបូរមាស ក្រុង/ខេត្តកំពង់ចាម។

២.ឈ្មោះ សំ អេង  ភេទប្រុស អាយុ ២៦ឆ្នាំ រស់នៅភូមិអូរឈ្លើង ឃុំកោះរការ ស្រុកកំពង់សៀម ខេត្តកំពង់ចាម។

៣.ឈ្មោះ ទេព ម៉ាណែត ភេទប្រុស អាយុ ២៨ឆ្នាំ រស់នៅភូមិទី១១ សង្កាត់កំពង់ចាម ក្រុងកំពង់ចាមខេត្តកំពង់ចាម ។

៤.ឈ្មោះ ហុង ដារ៉ា ហៅ រ៉ាខ្មោច ភេទប្រុស អាយុ ២៩ឆ្នាំ រស់នៅភូមិចុងថ្នល់ទី១ សង្កាត់បឹងកុក ក្រុង/ ខេត្តកំពង់ចាម ។

៥.ឈ្មោះ មុក សោភា ភេទស្រី អាយុ ២៨ឆ្នាំ រស់នៅផ្ទះជួលស្ថិតនៅភូមិទី៦ សង្កាត់វាលវង់ ក្រុង/ ខេត្តកំពង់ចាម។

៦.ឈ្មោះ វណ្ណះ សុគន្ធា ហៅ ស្រីខួច ភេទស្រី អាយុ ២៤ឆ្នាំ រស់នៅផ្ទះជួលស្ថិតនៅភូមិមេម៉ាយ សង្កាត់បឹងកុក ក្រុង/ ខេត្តកំពង់ចាម រួមទាំងដកហូតវត្ថុតាងមាន៖ ម្សៅក្រាមពណ៌សចំនួន ២៣កញ្ចប់ ទម្ងន់ ១២.០៩ក្រាម(ថ្លឹងទាំងសំបកថង់) និងទូរស័ព្ទចំនួន ០៤គ្រឿងផងដែរ។

បច្ចុប្បន្នជនសង្ស័យ និងវត្ថុតាងត្រូវបានមន្ត្រីជំនាញ កំពុងចាត់ការតាមនីតិវិធី។