រតនគិរី៖ នៅបញ្ជាការដ្ឋានកងរាជអាវុធហត្ថខេត្តរតនគិរី ថ្ងៃព្រហស្បតិ៍ ១រោច ខែបឋមាសាឍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី ២៨ ខែមិថុនា ឆ្នាំ២០១៨ លោកវរសេនីយ៍ត្រី នាង បូណា នាយការិយាល័យប្រឆាំងបទល្មើសគ្រឿងញៀន កងរាជអាវុធហត្ថខេត្តរតនគិរី បានចុះបង្ក្រាបបទករណីគ្រឿងញៀន ស្ថិតក្នុងភូមិអភិវឌ្ឍន៍ សង្កាត់ឡាបានសៀក ក្រុងបានលុង ខេត្តរតនគិរី ដោយឃាត់ខ្លួនជនសង្ស័យម្នាក់ឈ្មោះ ហុង ចិត្រា អាយុ ២០ឆ្នាំ មុខរបរនគរបាល រស់នៅភូមិ អូរកន្សែង សង្កាត់បឹងកន្សែង ក្រុងបានលុង ខេត្តរតនគិរី រួមទាំងដកហូតវត្ថុតាំងមានម្សៅក្រាមពណ៌សចំនួន ០១កញ្ចប់តូច ទម្ងន់ ០,២៥ក្រាម (គិតទាំងថង់) ទូរស័ព្ទចំនួន ០១គ្រឿង និងឧបករណ៍សេពគ្រឿងញៀនមួយចំនួនទៀត។
បច្ចុប្បន្នជនសង្ស័យ ត្រូវបានមន្ត្រីជំនាញកសាងសុំណុំរឿងបញ្ជូនទៅសាលាដំបូងខេត្តរតនគិរី។