ស្ទឹងត្រែង៖ រសៀលថ្ងៃសុក្រ ២រោច​ ខែបឋមាសាឍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២៩ ខែមិថុនា ឆ្នាំ២០១៨ លោកវរសនីយ៍ត្រី សេង សំអាន មេបញ្ជាការមូលដ្ឋានកងរាជអាវុធហត្ថស្រុកថាទ្បាបរិវ៉ាត់ ខេត្តស្ទឹងត្រែង តំណាងអោយលោកឧត្តមសេនីយ៍ត្រី អៀង វ៉ាន់ឌី មេបញ្ជាការកងរាជអាវុធហត្ថខេត្តស្ទឹងត្រែង បាននាំយកអំណោយទៅប្រគល់ជូន ក្មេងកំព្រាចំនួន ០៣នាក់ ដែលឪពុកបានស្លាប់ ចំណែកម្តាយរត់ចោល រស់នៅតេបីនាក់បងប្អូន ដែលសព្វថ្ងៃរស់នៅភូមិវាលដេញ ឃុំអន្លុងជ្រៃ ស្រុកថាទ្បាបរិវ៉ាត់ខេត្តស្ទឹងត្រែង ។ អំណោយរួមមានមី ០១ កេះ, ត្រីខ ០១យួរ, ទឹកត្រី ០១យួរ, ទឹកស៊ីអ៊ីវ ០១យួរ, មុង ០១, ប៊ីចេង ០១គីទ្បូក្រាម, ខ្ទឹមស ០១គីទ្បូ, អំបិល ១០គីទ្បូ, ខ្លាញ់ ០១ដប, ខោអាវថ្មី ០៤ កំប្លេរ, អង្ករ ៥០ គីទ្បូ, នំ ០១ថង់ និងថវិកាចំនួន ១៥០.០០០រៀលផងដែរ។