ស្វាយរៀង៖ នៅអនុវិទ្យាល័យដូង បានប្រារព្ធពិធីសម្ភោធតារាងបាល់ទាត់ ក្នុងឃុំដូង និងការប្រកួតកីឡាបាល់ទាត់វគ្គផ្តាច់ព្រ័ត្រ ក្រោមអធិបតីភាព លោកនាយឧត្តមសេនីយ៍ សៅ សុខា អគ្គមេបញ្ជាការស្តីទីនៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស អនុប្រធានក្រុមការងារគណៈកម្មាធិការកណ្តាល ចុះជួយខេត្តស្វាយរៀង និងជាប្រធានក្រុមការងារចុះជួយស្រុករមាសហែក ដោយមានការចូលរួមពីសំណាក់ ឯកឧត្តម អស់លោកជាក្រុមការងារចុះជួយតាមបណ្តាឃុំក្នុងស្រុករមាសហែក ព្រមទាំងប្រជាពលរដ្ឋ លោកគ្រូ អ្នកគ្រូ សិស្សានុសិស្ស និងកីឡាករ ជាច្រើនរូបផងដែរ ពិធីនេះប្រព្រឹត្តទៅនៅព្រឹកថ្ងៃអាទិត្យ ៤រោច ខែបឋមាសាឍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី០១ ខែកក្កដា ឆ្នាំ២០១៨។