ព្រះវិហារ៖ នៅវេលាម៉ោង១៤ និង ៣០នាទី ថ្ងៃពុធ ៧រោច ខែបឋមាសាឍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី០៤ ខែកក្កដា ឆ្នាំ២០១៨ នៅចំណុចភូមិស្រអែមជើង ឃុំស្រអែម ស្រុកជាំក្សាន្ត ខេត្តព្រះវិហារ កំលាំងមូលដ្ឋានកងរាជអាវុធហត្ថស្រុក និងស្នាក់ការសន្តិសុខ ដឹកនាំដោយលោកវរសេនីយ៍ត្រី ពេជ្រ សុភី មេបញ្ជាការកងរាជអាវុធហត្ថស្រុកជាំក្សាន្ត បានចុះបង្ក្រាបករណីរក្សាទុកជួញដូរ និងប្រើប្រាស់នូវសារធាតុញៀនដោយខុសច្បាប់ និងឃាត់ខ្លួនជនសង្ស័យបានម្នាក់ ឈ្មោះ សោម រដ្ឋា ភេទប្រុស អាយុ ២៧ឆ្នាំ មុខរបរ មិនពិតប្រាកដ រស់នៅភូមិ ឃុំកើតហេតុខាងលើ រួមទាំងដកហូតបានវត្ថុតាងមាន:

១.ម្សៅក្រាមពណ៌សថ្លា (ម៉ាទឹកកក)ចំនួន ០១កញ្ចប់ ស្មើនឹង ០.៤០ក្រាម

២.ម៉ូតូម៉ាក C125 ពណ៌ខ្មៅ គ្មានស្លាកលេខ ស៊េរីឆ្នាំ ២០១៨ ចំនួន ០១គ្រឿង។

ក្រោយពីស្តាប់ចម្លើយរបស់ជនសង្ស័យខាងលើនៅវេលាម៉ោង ១៥ និង០០នាទី ថ្ងៃទី០៤ ខែកក្កដា ឆ្នាំ២០១៨ កំលាំងបន្តឃាត់ខ្លួនជនសង្ស័យបានម្នាក់ទៀត ឈ្មោះ ប្រាក់ ភារិទ្ធ ភេទប្រុស អាយុ៣៥ឆ្នាំ មុខរបរ មិនពិតប្រាកដ រស់នៅភូមិ/ ឃុំ ខាងលើ រួមទាំងដកហូតបានវត្ថុតាងមួយចំនួន៖

១.ម្សៅក្រាមពណ៌សថ្លា(ម៉ាទឹកកក) ចំនួន ០២កញ្ចប់ ស្មើនឹង ១,៩២ក្រាម

២.លុយរៀលចំនួន ២៦.០០០រៀល

៣.ទូរស័ព្ទចំនួន ០១គ្រឿង

៤.កាំភ្លើងខ្យល់ច្នៃចំនួន ០១ដើម និងសម្ភារៈសម្រាប់ប្រើប្រាស់ជក់គ្រឿងញៀនមួយចំនួនទៀត។

បច្ចុប្បន្ន ជនសង្ស័យ និងវត្ថុតាង ត្រូវបានកម្លាំងជំនាញកងរាជអាវុធហត្ថ កសាងសំណុំរឿងបញ្ជូនទៅសាលាដំបូងខេត្តព្រះវិហារ ដើម្បីចាត់ការបន្តតាមនីតិវិធី៕