បន្ទាយមានជ័យ៖ នៅវេលាម៉ោង ១៣និង ៤៦នាទីរសៀលថ្ងៃទី០៩ ខែកក្កដា ឆ្នាំ២០១៨ កម្លាំងមូលដ្ឋានកងរាជអាវុធហត្ថក្រុងប៉ោយប៉ែត ដឹកនាំដោយលោកវរសេនីយ៍ត្រី នួន នីណារ៉ូ មេបញ្ជាការមូលដ្ឋានកងរាជអាវុធហត្ថក្រុង បានចុះប្រតិបត្តិការបង្រ្កាបករណី លួច(ទូរស័ព្ទ) ដោយឃាត់ខ្លួនជនសង្ស័យបានម្នាក់ ឈ្មោះ ជ័យ ចាន់បូរី(ហៅ ខ្មូ) ភេទ ប្រុស អាយុ ២៧ឆ្នាំ ជនជាតិខ្មែរ មានទីលំនៅភូមិបាលិលេយ្យ២ សង្កាត់ប៉ោយប៉ែត នៅចំណុចភូមិចាន់គីរី សង្កាត់ប៉ោយប៉ែត ក្រុងប៉ោយប៉ែត ។

ជនសង្ស័យបានសារភាពថា ក្រោយលួចបានហើយ ខ្លួន(ជនសង្ស័យ) បានយកទូរស័ព្ទ ០១គ្រឿងទៅបញ្ចាំ យកប្រាក់មកលេងល្បែងក្នុងកាស៊ីណូ ចំណែកទូរស័ព្ទ ០៣គ្រឿងទៀត នៅនឹងខ្លួន លុះដល់ថ្ងៃទី០៩ ខែកក្កដា ឆ្នាំ២០១៨ ក៏ត្រូវបានសមត្ថកិច្ចកងរាជអាវុធហត្ថឃាត់ខ្លួនបាន។

បច្ចុប្បន្ន ជនសង្ស័យ ត្រូវបានកម្លាំងជំនាញកងរាជអាវុធហត្ថខេត្ត កសាងសំណុំរឿងបញ្ជូនទៅតុលាការ ដើម្បីចាត់ការទៅតាមនីតិវិធី។