កណ្តាល៖ នៅវេលាម៉ោង១៣:១៤នាទី ថ្ងៃទី២០ ខែកក្កដា ឆ្នាំ២០១៨ កម្លាំង កងរាជអាវុធហត្ថ ខេត្តកណ្ដាល បានសហការជាមួយកម្លាំង នគរបាល រាជធានីភ្នំពេញ ធ្វើការបង្ក្រាបជាក់ស្ដែង ចាប់ឃាត់ខ្លួនជនសង្ស័យ០១នាក់ នៅចំណុចលើស្ពានត្សឹបាសា (ស្ពានអ្នកលឿង) ស្ថិតក្នុងភូមិអំពិលទឹក ឃុំកំពង់ភ្នំ ស្រុកលើកដែក ខេត្តកណ្ដាល។
ជនសង្ស័យឈ្មោះ កែវ ឆេង ភេទប្រុស អាយុ៣៥ឆ្នាំ ជនជាតិខ្មែរ មុខរបរកម្មករសំណង់ មានទីលំនៅភូមិព្រៃជ្រុំ ឃុំព្រៃទទឹង ស្រុកមេសាង ខេត្តព្រៃវែង ពាក់ពន័្ធករណីលួច (កាច់ករម៉ូតូ) នៅរាជធានីភ្នំពេញ កាលពីថ្ងៃទី១៩.០៧.២០១៨។
វត្ថុតាងចាប់យករួមមាន:
-ម៉ូតូ០១គ្រឿង ម៉ាក ហុងដា សេ.១២៥ ពណ៍ខ្មៅ ស៊េរីឆ្នាំ២០១៨ ពាក់ផ្លាកលេខ ភ្នំពេញ 1GW-9293
-ទូរស័ព្ទ០២គ្រឿង
-ប្រាក់រៀលចំនួន៦០មុឺនរៀល។
បច្ចុប្បន្ន ជនសង្ស័យ និងវត្ថុតាង បានប្រគល់ឲ្យកម្លាំង នគរបាលរាជធានីភ្នំពេញ ចាត់ការបន្ត។