កំពង់ស្ពឺ៖ នៅថ្ងៃទី០២ ខែសីហា ឆ្នាំ២០១៨ នៅចំណុចបន្ទប់ជួលផ្ទះសំណាក់ជំនោររាត្រី ស្ថិតនៅភូមិផ្សារចាស់ សង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ កម្លាំងមូលដ្ឋានកងរាជអាវុធហត្ថក្រុងច្បារមន បានឃាត់ខ្លួនជនសង្ស័យចំនួន ០២នាក់មាន៖ ឈ្មោះ ផាត់ ឈិនឡេង ភេទប្រុស អាយុ ២២ឆ្នាំ រស់នៅភូមិរំលិច ឃុំរលាំងគ្រើល ស្រុកសំរោងទង ខេត្តកំពង់ស្ពឺ និងឈ្មោះ ថុង សាន្ត ភេទប្រុស អាយុ ៣១ឆ្នាំ រស់នៅភូមិញ សង្កាត់កណ្តោលដុំ ក្រុងច្បារមន ខេត្តកំពង់ស្ពឺ រួមទាំងដកហូតបានវត្ថុតាងមាន៖ ថ្នាំម៉ាទឹកកក ០១កញ្ចប់តូច, ម៉ូតូ ០១គ្រឿង និងទូរស័ព្ទចំនួន ០៥គ្រឿង។

បច្ចុប្បន្នជនសង្ស័យ និងវត្ថុតាង ត្រូវបានបញ្ជូនទៅបញ្ជាការដ្ឋានកងរាជអាវុធហត្ថខេត្តកំពង់ស្ពឺ ដើម្បីកសាងសំណុំរឿងបន្តតាមនីតិវិធី។