សៀមរាប៖ នៅវេលាម៉ោង ២០ និង០០នាទី ថ្ងៃទី០៧ ខែសីហា ឆ្នាំ២០១៨ កំលាំងមូលដ្ឋានកងរាជអាវុធហត្ថក្រុងសៀមរាប បានចុះបង្ក្រាបករណី រក្សាទុក

ដឹកជញ្ជូនឬជួញដូរដោយខុសច្បាប់នូវសារធាតុញៀន នៅចំណុចភូមិសាលាកន្សែង សង្កាត់ស្វាយដង្គុំ ក្រុងសៀមរាប ខេត្តសៀមរាប ដោយឃាត់ខ្លួនជនសង្ស័យចំនួន០២នាក់៖
១.ឈ្មោះ ម៉េង គង់ ភេទប្រុស អាយុ១៧ឆ្នាំ មុខរបរម៉ាស្សា ទីលំនៅភូមិវត្តបូព៌ សង្កាត់សាលាកំរើក ក្រុងសៀមរាប ខេត្តសៀមរាប។
២.ឈ្មោះ ឆន សារឿន ភេទប្រុស អាយុ១៩ឆ្នាំ មុខរបរគ្មាន ទីលំនៅភូមិក្រសាំងលើ សង្កាត់សៀមរាប ក្រុងសៀមរាប ខេត្តសៀមរាប។
កម្លាំងបានចាប់យកវត្ថុតាងម្សៅក្រាមពណ៌ស (ម៉ាទឹកកក) ចំនួន០២កញ្ចប់ ទំងន់ ១,៧៥ក្រាម ។
បច្ចុប្បន្នជនសង្ស័យ និងវត្ថុតាង ត្រូវបានមន្ត្រីជំនាញកងរាជអាវុធហត្ថខេត្តកសាងសំណុំរឿង បញ្ជូនទៅសាលាដំបូង ។