ស្វាយរៀង៖ នៅវេលាម៉ោង ២០ និង ១០ នាទីថ្ងៃទី០៨ ខែសីហា ឆ្នាំ២០១៨ កម្លាំងមន្ទីរយុត្តិធម៌ កងរាជអាវុធហត្ថខេត្តស្វាយរៀងសហការជាមួយ កម្លាំងមូលដ្ឋានកងរាជអាវុធហត្ថក្រុងបាវិត ដឹកនាំដោយលោកវរសេនីយ៍ឯក ស្រី វុត្ថា មេបញ្ជាការរងទទួលការងារយុត្តិធម៌ បានចុះបង្ក្រាបករណីរក្សាទុក ឬ ជួញដូរដោយខុសច្បាប់នូវសារធាតុញៀន នៅចំណុចបន្ទប់ជួលលេខ ៣៨ ស្ថិតនៅភូមិបាវិតកណ្ដាល សង្កាត់បាវិត ក្រុងបាវិត ខេត្តស្វាយរៀង ដោយឃាត់ខ្លួនជនសង្ស័យបានចំនួន ០២នាក់៖

១.ឈ្មោះ ត្រឹង ទៀកលិន ភេទស្រី អាយុ ២៤ ឆ្នាំជនជាតិវៀតណាម មុខរបរបុគ្គលិក កាស៊ីណូ មានទីលំនៅភូមិថាយវ៉ា សង្កាត់ថាយធឹង ស្រុកនិនគៀវ ខេត្តកាន់ធឺ ប្រទេសវៀតណាម។

២.ឈ្មោះ យ៉ ញាំងញឹក ភេទប្រុស អាយុ ២៧ ឆ្នាំជនជាតិវៀតណាម មុខរបរបើកបររថយន្ត មានទីលំនៅភូមិបេន ឃុំអានថាន់ ស្រុកបេនកូវ ខេត្តតៃនិញ ប្រទេសវៀតណាម ។

កម្លាំងបានចាប់យកវត្ថុតាងរួមមាន ៖

១.ម្សៅក្រាមពណ៌សថ្លា ចំនួន ០៥ កញ្ចប់ មានទំងន់ ៣.២៥ ក្រាម

២.ទូរស័ព្ទចំនួន ០៤ គ្រឿង

៣.សម្ភារៈប្រើប្រាស់គ្រឿងញៀនមួយចំនួន ។

បច្ចុប្បន្នជនសង្ស័យ និង វត្ថុតាងមន្ត្រីជំនាញកងរាជអាវុធហត្ថខេត្ត កំពុងបន្តនីតិវិធី ។