កំពង់ចាម៖ នៅចំណុចភូមិទី១០ សង្កាត់កំពង់ចាម ក្រុង/ខេត្តកំពង់ចាម កម្លាំងជំនាញកងរាជអាវុធហត្ថខេត្តកំពង់ចាម ចុះបង្រ្កាបករណីជួញដូរគ្រឿងញៀនចំនួន ២ករណី និងឃាត់ខ្លួនជនសង្ស័យចំនួន ០៤នាក់ជាបន្តបន្ទាប់ រយៈពេលពីថ្ងៃ នៅថ្ងៃទី០៩-១០ ខែសីហា ឆ្នាំ២០១៨ ជនសង្ស័យទាំង០៤នាក់រួមមាន៖
១.ឈ្មោះ ស៊ឹម វិសាល ភេទប្រុស អាយុ ២០ឆ្នាំ រស់នៅភូមិបឹងស្នាយ សង្កាត់កំពង់ចាម ក្រុង/ខេត្តកំពង់ចាម។
២.ឈ្មោះ សុន តុលា ភេទប្រុស អាយុ ១៧ឆ្នាំ រស់នៅភូមិវាលខ្សាច់ ឃុំរអាង ស្រុកកំពង់សៀម ខេត្តកំពង់ចាម។
៣.ឈ្មោះ ម៉ៅ លក្ខណា ភេទស្រី អាយុ ២១ឆ្នាំ រស់នៅភូមិចាហុក សង្កាត់សំបួរមាស ក្រុង/ខេត្តកំពង់ចាម។
៤.ឈ្មោះ ចាន់ កក្កដា ភេទប្រុស អាយុ ២៩ឆ្នាំ រស់នៅភូមិទី១២ សង្កាត់កំពងចាម ក្រុង/ខេត្តកំពង់ចាម។
កម្លាំងបានដកហូតបានវត្ថុតាង ម្សៅក្រាមពណ៌សចំនួន ០៥កញ្ចប់ ទំងន់ ៣.៣៩ក្រាម, ទូរស័ព្ទចំនួន ០៤គ្រឿង និងម៉ូតូចំនួន ០១គ្រឿង។
បច្ចុប្បន្នជនសង្ស័យ និងវត្ថុតាងត្រូវបានកម្លាំងជំនាញ កំពុងកសាងសំណុំរឿងបញ្ជូនទៅតុលាការ ដើម្បីចាត់ការតាមនីតិវិធី។
