តាកែវ៖ នៅថ្ងៃទី១៥ ខែសីហា ឆ្នាំ២០១៨ កម្លាំងការិយាល័យបទល្មើសគ្រឿង ញៀនកងរាជអាវុធហត្ថខេត្តតាកែវ សហការជាមួយកម្លាំងមូលដ្ឋានកងរាជអាវុធហត្ថស្រុកសំរោង និងមានការសម្របសម្រួលនីតិវិធីដោយព្រះរាជអាជ្ញាអមសាលាដំបូងខេត្ត បានចុះបង្ក្រាបមុខសញ្ញាជួញដូរសារធាតុញៀន នៅកំណាត់ផ្លូវលេខ ២១ ត្រង់ចំណុចភូមិស្លា ឃុំស្លា ស្រុកសំរោង ខេត្តតាកែវ ដោយឃាត់ខ្លួនជនសង្ស័យម្នាក់ ឈ្មោះ សៅ ស៊ុនហេង ភេទប្រុស អាយុ ២១ឆ្នាំ មុខរបរមិនពិតប្រាកដ រស់នៅភូមិអង្គចង្អេរ ឃុំស្លា ស្រុកសំរោង ខេត្តតាកែវ រួមទាំងដកហូតបានវត្ថុតាងមាន៖ ម្សៅក្រាមសថ្លាចំនួន ១២កញ្ចប់ ទម្ងន់ ២.៩១ក្រាម ទូរស័ព្ទចំនួន ១គ្រឿង និងប្រាក់រៀលចំនួន ២០.០០០រៀល។
បច្ចុប្បន្នជនសង្ស័យ និងវត្ថុតាងត្រូវបានការិយាល័យជំនាញកសាងសំណុំរឿង បញ្ជូនទៅសាលាដំបូង ចាត់ការតាមនីតិវិធី ។