កំពត៖ នៅវេលាម៉ោង ៧ និង ៣០នាទី ថ្ងៃទី២០ ខែសីហា ឆ្នាំ២០១៨ កម្លាំងជំនាញមន្ទីរយុត្តិធម៌កងរាជអាវុធហត្ថខេត្តកំពត ដោយមានការសម្របសម្រូលនីតិវិធីពីលោក ម៉ុត ដារ៉ា ព្រះរាជអាជ្ញារង អមសាលាដំបូងខេត្តកំពត កម្លាំងអាវុធហត្ថបានធ្វើការឃាត់ខ្លួនជនសង្ស័យម្នាក់ឈ្មោះ ណូ លីណារិទ្ធិ ភេទប្រុស អាយុ ២៣ ឆ្នាំ មុខរបរមិនពិតប្រាកដ រស់នៅភូមិជុំគ្រៀល ឃុំជុំគ្រៀល ស្រុកទឹកឈូ ខេត្តកំពត ។ ក្រោយពីបានស្តាប់ចម្លើយជនសង្ស័យ កម្លាំងជំនាញមន្ទីរយុត្តិធម៌កងរាជអាវុធហត្ថខេត្ត បានពន្លាតដែលសមត្ថកិច្ចចុះ ទៅសហការជាមួយកម្លាំងជំនាញមន្ទីរយុត្តិធម៌កងរាជអាវុធហត្ថខេត្តកែប និងឃាត់ខ្លួនជនសង្ស័យចំនួន ០២នាក់ នៅចំណុចបន្ទប់លេខ ៥ផ្ទះសំណាក់តាពៅ ស្ថិតក្នុងភូមិដំណាក់ចំបក់ ឃុំអូរក្រសារ ក្រុងកែប ខេត្តកែប ជនសង្ស័យមានឈ្មោះ៖
១. ឈ្មោះ អៀង វ៉ាន់ចាន់សីហា ភេទប្រុស អាយុ ២៥ឆ្នាំ មុខរបរមិនពិតប្រាកដ រស់នៅភូមិដំណាក់ចង្អើរ សង្កាត់ព្រៃធំ ក្រុងកែប ខេត្តកែប ។
២.ឈ្មោះ យឹម ចាន់ម៉េង ភេទប្រុស អាយុ ៣០ឆ្នាំ មុខរបរមិនពិតប្រាកដ រស់នៅភូមិក្រឡាញ សង្កាត់ព្រៃធំ ក្រុងកែប ខេត្តកែប។
វត្ថុតាងចាប់យករួមមាន៖
-គ្រឿងញៀន(ម៉ាទឹកកក) ចំនួន ០១កញ្ចប់ធំនិង ០៤កញ្ចប់តូច មានទំងន់ ១១.៧៧ក្រាម។
-ជញ្ជីងសម្រាប់ថ្លឹងគ្រឿងញៀន ០១គ្រឿង និងសម្ភារៈសម្រាប់សេពគ្រឿងញៀនមួយចំនួនទៀត។
បច្ចុប្បន្ន ជនសង្ស័យ និងវត្ថុតាង មន្ត្រីជំនាញកំពុងចាត់ការតាមនីតិវិធី។