កណ្តាល៖ នៅវេលាម៉ោង១៥ និង៣០នាទី ថ្ងៃទី០១ ខែកញ្ញា ឆ្នាំ២០១៨ កម្លាំងមូលដ្ឋានកងរាជអាវុធហត្ថស្រុកកណ្តាលស្ទឹង បានចុះបង្ក្រាបករណីជួញដូរដោយខុសច្បាប់នូវសារធាតុញៀន នៅចំណុចភូមិតាដោល១ ឃុំអំពៅព្រៃ ស្រុកកណ្តាលស្ទឹង ខេត្តកណ្តាល ដោយឃាត់ខ្លួនជនសង្ស័យ០២នាក់ ឈ្មោះ សែម ចំរើន ភេទប្រុស អាយុ ៤៨ឆ្នាំ ជនជាតិខ្មែរ មុខរបរកសិករ មានទីលំនៅភូមិឃុំកើតហេតុ និងឈ្មោះ ថា រ៉ាមឿន ភេទប្រុស អាយុ ២០ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិតាដោល២ ឃុំអំពៅព្រៃ ស្រុកកណ្តាលស្ទឹង ខេត្តកណ្តាល។ កម្លាំងបានចាប់យកវត្ថុតាងរួមមាន៖
-ថ្នាំញៀន(ម៉ាទឹកកក) ចំនួន ០២កញ្ចប់។
-ទូរស័ព្ទចំនួន ០១ គ្រឿង
-សំភារៈសំរាប់វេចខ្ចប់ និងជក់មួយចំនួនទៀត។
បច្ចុប្បន្នជនសង្ស័យ និងវត្ថុតាង ត្រូវមន្ត្រីជំនាញកងរាជអាវុធហត្ថខេត្ត បានកសាងសំណុំរឿងបញ្ជូនទៅសាលាដំបូង។