កំពង់ធំ៖ នៅវេលាម៉ោង ០២ និង ១០នាទីរំលងអធ្រាត្រឈានចូលថ្ងៃទី១៤ ខែកញ្ញា ឆ្នាំ២០១៨ កម្លាំងកងរាជអាវុធហត្ថខេត្ត ដឹកនាំដោយលោកវរសេនីយ៍ទោ ឃុន ប៊ុនហូ មេបញ្ជាការរង ទទួលការងារស្រាវជ្រាវព័ត៌មានសន្តិសុខខេត្តកំពង់ធំ បានចេញប្រតិបត្តិការបង្ក្រាបករណីចោរលួចរថយន្ត និងម៉ូតូ នៅចំនុចភូមិត្រពាំងឫស្សី ឃុំត្រពាំងឫស្សី ស្រុកកំពង់ស្វាយ ខេត្តកំពង់ធំ ឃាត់បានរថយន្ត០១គ្រឿង ម៉ាកតាកូម៉ា ពណ៌ស ស៊េរីឆ្នាំ១៩៩៩ ពាក់ស្លាកលេខភ្នំពេញ ២L.៥៥០៨ ដែលជនសង្ស័យបានលួចពីខេត្តកំពង់ស្ពឺ កាលពីថ្ងៃទី១២ កន្លងទៅ ហើយយកមកធ្វើជាមធ្យោយបាយលួចបន្ត នៅខេត្តកំពង់ធំ ដោយក្នុងរថយន្តដកហូតបានកូនសោរចម្រុះ និងម៉ូតូម៉ាក C១២៥ ស៊េរីឆ្នាំ២០១១ ពណ៌ខ្មៅបិទស្គុតពណ៌លឿងពាក់ស្លាកលេខ កំពង់ធំ ១E .០៧១៦។ ចំណែកជនសង្ស័យ រត់គេចខ្លួនបាត់។ រីឯរថយន្ត និងម៉ូតូរង់ចាំម្ចាស់ យកឯកសារមកបញ្ជាក់ ដើម្បីប្រគល់ជូនម្ចាស់ដើមវិញ។
បច្ចុប្បន្នសមត្ថកិច្ចមន្ទីរស្រាវជ្រាវកងរាជអាវុធហត្ថខេត្ត កំពុងស្វែងរកមុខសញ្ញា ដើម្បីចាត់ការតាមច្បាប់។