ស្ទឹងត្រែង៖ ថ្ងៃចន្ទ ៨កើត ខែភទ្របទ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី ១៧ ខែកញ្ញា ឆ្នាំ២០១៨ លោកឧត្តមសេនីយ៍ត្រី អៀង វ៉ាន់ឌី មេបញ្ជាការកងរាជអាវុធហត្ថខេត្ត បានរៀបចំពិធីទទួលជួបប្រតិភូនាយទាហានបំពេញទស្សនកិច្ច សម្រាកបំប៉នសុខភាព ដឹកនាំដោយលោកវរសេនីយ៍ឯក ជីង ក្វាងឌីង អនុប្រធានអង្គទ័ពលេខ២ ។ ក្នុងឱកាសនោះ លោកវរសេនីយ៍ឯក ជីង ក្វាងឌីង បានអញ្ជើញជួបសំណេះសំណាល និងសួរសុខទុក្ខ ដល់អង្គភាពកងរាជអាវុធហត្ថខេត្តស្ទឹងត្រែង និងមានប្រគល់ជូនវត្ថុអនុស្សាវរីយ៍ទៅវិញទៅមក។ មិនតែប៉ុណ្ណោះ លោកមេបញ្ជាការខេត្ត បានទទួលបាយសាមគ្គីមួយពេល នៅក្នុងបញ្ជាការដ្ឋានកងរាជអាវុធហត្ថខេត្តផងដែរ។