កំពង់ចាម៖ នៅវេលាម៉ោង១៥ និង០០នាទី ថ្ងៃទី១៨ ខែកញ្ញា ឆ្នាំ២០១៨ នៅចំណុចភូមិចុងថ្មល់ទី១ សង្កាត់ងបឹងកុក ក្រុងកំពង់ចាម ខេត្តកំពង់ចាម កម្លាំងជំនាញកងរាជអាវុធហត្ថខេត្តកំពង់ចាម បានចុះបង្រ្កាបករណីជួញដូរគ្រឿងញៀន ដោយឃាត់ខ្លួនជនសង្ស័យបានចំនួន២នាក់ មាន ១-ឈ្មោះ អៀង សុខសំណាង អាយុ១៦ឆ្នាំ រស់នៅភូមិបឹងបាសាក់ សង្កាត់សំបូរមាស ក្រុង/ខេត្តកំពង់ចាម និង២-ឈ្មោះ ចាន់ ម៉ូលីកា ភេទស្រី អាយុ១៩ឆ្នាំ រស់នៅភូមិដេីមស្លែង សង្កាត់ច្បារអំពៅ២ រាជធានីភ្នំពេញ រួមទាំងចាប់យកវត្ថុតាងរួមមានម្សៅក្រាមពណ៌សចំនួន២កញ្ចប់ ទម្ងន់០.៩០ក្រាម, ទូរសព្ទដៃ១គ្រឿង និងឧបករណ៍ប្រេីប្រាស់មួយចំនួន។ បច្ចុប្បន្នជនសង្ស័យ និងវត្ថុតាង ត្រូវបានកម្លាំងជំនាញកសាងសំណុំរឿងបញ្ជូនទៅតុលាការចាត់ការតាមនីតិវិធី៕
