កំពង់ចាម៖ នៅវេលាម៉ោង១៥ និង៣០នាទី ថ្ងៃទី២០ ខែកញ្ញា ឆ្នាំ២០១៨ នៅចំណុចភូមិទំនប់ ឃុំទំនប់ ស្រុកបាធាយ ខេត្តកំពង់ចាម កម្លាំងជំនាញមន្ទីរយុត្តិធម៌កងរាជអាវុធហត្ថខេត្តកំពង់ចាម សហការជាមួយកម្លាំងកងរាជអាវុធហត្ថមូលដ្ឋានស្រុកបាធាយ និងស្រុកជើងព្រៃ បានចុះបង្រ្កាបករណីជួញដូរគ្រឿងញៀន ដោយឃាត់ខ្លួនជនសង្ស័យបានចំនួន៣នាក់មាន៖ ១. ឈ្មោះ ផន ប៉ាតា ភេទប្រុស អាយុ ៣០ឆ្នាំ រស់នៅ ក្នុងភូុមិទំនប់ ឃុំទំនប់ ស្រុកបាធាយ ខេត្តកំពង់ចាម, ២. ឈ្មោះ ខន ផល្លា ភេទប្រុស អាយុ ២៥ឆ្នាំ រស់នៅក្នុងភូមិទំនប់ ឃុំទំនប់ ស្រុកបាធាយ ខេត្តកំពង់ចាម និង៣.ឈ្មោះ ហេង ម៉េងហាន ភេទប្រុស អាយុ ២៣ឆ្នាំ រស់នៅភូមិទំនប់ ឃុំទំនប់ ស្រុកបាធាយ ខេត្កកំពង់ចាម រួមទាំងចាប់យកវត្ថុតាងមាន៖ ម្សៅក្រាមពណ៌សចំនួន៨កញ្ចប់ (ធំ១កញ្ចប់) ទម្ងន់ ៣,២៣ក្រាម និងទូរសព្ទដៃ៣គ្រឿង។
បច្ចុប្បន្នជនសង្ស័យ និងវត្ថុតាង ត្រូវបានកសាងសំណុំរឿងបញ្ជូនទៅតុលាការចាត់ការតាមនីតិវិធី៕
