កំពង់ចាម៖ នៅវេលាម៉ោង ១៩ និង២០នាទី ថ្ងៃទី២១ ខែកញ្ញា ឆ្នាំ២០១៨ នៅចំណុចភូមិថ្មី ឃុំរំចេក ស្រុកកំពង់សៀម ខេត្តកំពង់ចាម កម្លាំងជំនាញកងរាជអាវុធហត្ថខេត្តកំពង់ចាម សហការជាមួយកម្លាំងមូលដ្ឋានកងរាជអាវុធហត្ថស្រុកកំពង់សៀម បានចុះបង្រ្កាបករណីជួញដូរសារធាតុញៀន ដោយឃាត់ខ្លួនជនសង្ស័យបានចំនួន ៤នាក់មាន៖
១. ឈ្មោះ បុិច ទិត្យ ភេទប្រុស អាយុ៤៩ឆ្នាំ មុខរបររត់ម៉ូតូឌុប រស់នៅភូមិរំលិច ឃុំរំចេក ស្រុកកំពង់សៀម ខេត្តកំពង់ចាម។
២. ឈោ្មះ ចូវ សុជាតិ ហៅស្រុក ភេទប្រុស អាយុ៣២ឆ្នាំ រស់នៅភូមិទី៣ សង្កាត់វាលវង់ ក្រុង/ខេត្តកំពង់ចាម។
៣. ឈោ្មះ លីម កសិម ភេទប្រុស អាយុ៣៥ឆ្នាំ រស់នៅភូមិជេីងឡង សង្កាត់សួង ក្រុងសួង ខេត្តត្បូងឃ្មុំ។
និង៤. ឈ្មោះ ឡេង សុខហេង ភេទប្រុស អាយុ ២១ឆ្នាំ រស់នៅភូមិជេីងឡង សង្កាត់សួង ក្រុងសួង ខេត្តត្បូងឃ្មុំ រួមទាំងចាប់យកវត្ថុតាងចាប់មាន៖ ម្សៅក្រាមពណ៌សចំនួន៥កញ្ចប់ (ធំ២កញ្ចប់) ទម្ងន់៤.៧៣ក្រាម និងទូរសព្ទដៃ១គ្រឿង។
បច្ចុប្បន្នជនសង្ស័យ និងវត្ថុតាងត្រូវបានកម្លាំងជំនាញ កសាងសំណុំរឿងបញ្ជូនទៅកាន់តុលាការ ចាត់ការតាមនីតិវិធី៕
