ក្រចេះ៖ ថ្ងៃពុធ ៩រោច ខែភទ្របទ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី០៣ ខែតុលា ឆ្នាំ២០១៨ កម្លាំងកងរាជអាវុធហត្ថខេត្តក្រចេះ ដឹកនាំដោយ លោក ឧត្ដមសេនីយ៍ត្រី សាន្ត ប៊ុនថាន មេបញ្ជាការកងរាជអាវុធហត្ថខេត្ត បានអញ្ជើញចុះសាកសួរសុខទុក្ខ និងនាំយកអំណោយជាគ្រឿងឧបភោគ បរិភោគមាន៖ ទឹកសុទ្ធ ១កេស, មី ១កេស, ទឹកដោះគោ ភេសជ្ជៈ និងថវិកាចំនួន ៤០០ដុល្លារ ដែលជាថវិកាផ្ទាល់ខ្លួនរបស់ លោកឧត្តមសេនីយ៍មេបញ្ជាការ ប្រគល់ជូន លោកឧត្ដមសេនីយ៍ត្រី រស់ សារ៉េត មេបញ្ជាការរង ដែលកំពុងសម្រាកព្យាបាលជំងឺនៅផ្ទះ។
ក្នុងឱកាសនោះ លោកឧត្ដមសេនីយ៍ត្រី មេបញ្ជាការ ក៏បានជូនពរឱ្យលោកមេបញ្ជាការរងឆាប់ជាពីជំងឺ និងទទួលបានសុខភាពល្អដូចដើមវិញ។