ប៉ៃលិន៖ ព្រឹកថ្ងៃពុធ ៩រោច ខែភទ្របទ ឆ្នាំច សំរឹទិ្ធស័ក ព.ស.២៥៦២ ត្រូវនឹងថ្ងៃទី០៣ ខែតុលា ឆ្នាំ២០១៨ លោកឧត្ដមសេនីយ៍ត្រី វ៉ាន់ ណាឡុង មេបញ្ជាការកងរាជអាវុធហត្ថខេត្តប៉ៃលិន បានដឹកនាំកម្លាំងក្រោមឱវាទ អញ្ជើញកាន់បិណ្ឌវេនទី៩ នៅវត្តរតនសោភ័ណ្ឌ (ហៅវត្តកោងកាង) ព្រមទាំងនាំយកគ្រឿងឧបភោគ បរិភោគមួយចំនួនរួមមាន៖ ទឹកក្រូច ២កេស, អង្ករ ៥០គីឡូក្រាម, មៀន ២០គីឡូក្រាម, ទឹកបរិសុទ្ធ ១០យួរ និងទឹកសុទ្ធវីតាល់ ៥កេស រួមទាំងបច្ច័យដែលនាយ នាយរងអាវុធហត្ថចូលរួម ដើម្បីកសាងវត្តមានចំនួន ៧១៥,០០០រៀល។
ក្នុងឱកាសនោះ លោក មេបញ្ជាការ ក៏បានជូនថវិកាដល់លោកយាយ លោកតា ព្រមទាំងលោកអាចារ្យ និងក្រុមលេងភ្លេង ក្នុងម្មាក់ៗទទួលបាន ១០,០០០រៀលផងដែរ។