រតនគិរី៖ ថ្ងៃព្រហស្បតិ៍ ១០រោច ខែភទ្របទ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី០៤ ខែតុលា ឆ្នាំ២០១៨ លោកវរសេនីយ៍ត្រី កាន់ ធីរ័ត្ន មេបញ្ជាការមូលដ្ឋានកងរាជអាវុធស្រុកបរកែវ បានដឹកនាំកម្លាំង អញ្ជើញចុះសាកសួរសុខទុក្ខ និងនាំយកសម្ភារ:មួយចំនួនដូចជា៖ សង្ក័សី ០៧សន្លឹក, ឈើ៥x១៥ ប្រវែង៤ម៉ែត្រចំនួន២កន្ទុយ, ឈើ៥x១៥
ប្រវែង២.៥០ម៉ែត្រ ចំនួន៤កន្ទុយ, ឈើ៥x៥ ប្រវែង៤.៥០ម៉ែត្រ ចំនួន៤កន្ទុយ , ដែកគោលមួកកន្លះគីឡូ សំរាប់សាងសង់ផ្ទះ យកទៅប្រគល់ជូនស្ត្រីមេម៉ាយទីទាល់ក្រឈ្មោះ រចំ ផ្យែក ភេទស្រី អាយុ ៣១ឆ្នាំ ជនជាតិទំពួន ដែលមានកូនចំនួន ០២នាក់ រស់នៅក្នុងភូមិគ្លិះ ឃុំស៊ើង ស្រុកបរកែវ ខេត្តរតនគិរី ដែលគិតសរុបជាទឹកប្រាក់មានចំនួន ២៨០.០០០រៀល។