ព្រៃវែង៖ ដោយបានទទួលបទបញ្ជាពី លោកឧត្តមសេនីយ៍ត្រី ឈួន គឹមសាន មេបញ្ជាការកងរាជអាវុធហត្ថខេត្តព្រៃវែង នៅវេលាម៉ោង ១៤ និង ៤៥នាទី ថ្ងៃទី២៤ ខែតុលា ឆ្នាំ២០១៨ កម្លាំងកងរាជអាវុធហត្ថខេត្ត សហការជាមួយកម្លាំងកងរាជអាវុធហត្ថស្រុកកំចាយមារ ដឹកនាំដោយ លោកវរសេនីយ៍ឯក ញ៉ែម វិរះជួប មេបញ្ជាការរងកងរាជអាវុធហត្ថខេត្ត បានចុះបង្រ្កាបបទល្មើសគ្រឿងញៀននៅចំណុចភូមិត្បូងវត្ត ឃុំក្របៅ ស្រុកកំចាយមារ ខេត្តព្រៃវែង ដោយឃាត់ខ្លួនជនសង្ស័យម្នាក់ឈ្មោះ ឡុង សារឿម ភេទប្រុស អាយុ ៤៩ឆ្នាំ រស់នៅភូមិអណ្តូងត្របែក ឃុំអណ្តូងត្របែក ស្រុករមាសហែក ខេត្តស្វាយរៀង រួមទាំងដកហូតបានវត្ថុតាងមាន៖ ម្សៅក្រាមពណ៌សចំនួន ០៤កញ្ចប់តូច, ម៉ូតូ ០១គ្រឿង, ទូរស័ព្ទ ០១គ្រឿង និងដែកមុខស្រួច០១(ដែកឆាប)។
បច្ចុប្បន្នជនសង្ស័យ និងវត្ថុតាង ត្រូវបានឃាត់ទុកនៅបញ្ជាការដ្ឋានកងរាជអាវុធហត្ថខេត្ត ដើម្បីចាត់ការតាមនីតិវិធី។