បន្ទាយមានជ័យ៖ នៅវេលាម៉ោង ០៩ និង០០នាទីថ្ងៃទី៣១ ខែតុលា ឆ្នាំ២០១៨ កម្លាំងមូលដ្ឋានកងរាជអាវុធហត្ថក្រុងសិរីសោភ័ណ ដឹកនាំដោយលោកវរសេនីយ៍ត្រី យ៉ាន់ សុវណ្ណ មេបញ្ជាការមូលដ្ឋានកងរាជអាវុធហត្ថក្រុង បានចុះប្រតិបត្តិការឃាត់ខ្លួនជនសង្ស័យចំនួន ០៤នាក់ ពីបទប្រើប្រាស់សារធាតុញៀននៅភូមិពីរ សង្កាត់កំពង់ស្វាយ ក្រុងសិរីសោភ័ណ។
ជនសង្ស័យទាំង០៤នាក់ខាងលើមាន៖ ១. ឈ្មោះ បូ អូនតូច ភេទប្រុស អាយុ ២២ឆ្នាំ ជនជាតិខ្មែរ មុខរបរកម្មករ បច្ចុប្បន្នស្នាក់នៅភូមិពីរ សង្កាត់កំពង់ស្វាយ ក្រុងសិរីសោភ័ណ, ២. ឈ្មោះ ម៉ែត ភារុន ភេទប្រុស អាយុ ២៧ឆ្នាំ ជនជាតិខ្មែរ មុខរបរ (គ្មាន) បច្ចុប្បន្នស្នាក់នៅភូមិពីរ សង្កាត់កំពង់ស្វាយ ក្រុងសិរីសោភ័ណ, ៣. ឈ្មោះ ទ្រី វណ្ណា (ហៅ ប៉ាវ) ភេទប្រុស អាយុ ២៤ឆ្នាំ ជនជាតិខ្មែរ មុខរបរ (គ្មាន) បច្ចុប្បន្នស្នាក់នៅភូមិពីរ សង្កាត់កំពង់ស្វាយ ក្រុងសិរីសោភ័ណ និង៤. ឈ្មោះ ប៉ាន់ សុភ័ក្រ (ហៅ ស្វិត) ភេទប្រុស អាយុ ១៨ឆ្នាំ ជនជាតិខ្មែរ មុខរបរកម្មករ បច្ចុប្បន្នស្នាក់នៅភូមិពីរ សង្កាត់កំពង់ស្វាយ ក្រុងសិរីសោភ័ណ រួមទាំងដកហូតបានវត្ថុតាងជាប់នឹងខ្លួនមាន៖ កាំបិតប៉័ងតោចំនួន ០១ដើម, ជំពាមកៅស៊ូចំនួន ០១ដើម, កូនថង់សម្រាប់ច្រកគ្រឿងញៀន និងឧបករណ៍សម្រាប់ជក់គ្រឿងញៀនមួយចំនួនទៀត។
បច្ចុប្បន្នជនសង្ស័យ និងវត្ថុតាង ត្រូវបានកម្លាំងជំនាញ កសាងសំណុំរឿងបញ្ជូនទៅតុលាការ ដើម្បីចាត់ការតាមនីតិវិធី។