កំពង់ចាម៖ នៅវេលាម៉ោង ០៧ និង០០នាទី ថ្ងៃទី០២ ខែវិច្ឆិកា ឆ្នាំ២០១៨ នៅចំណុចភូមិទី៥ សង្កាត់វាលវង់ ក្រុងកំពង់ចាម ខេត្តកំពង់ចាម កម្លាំងជំនាញកងរាជអាវុធហត្ថខេត្តកំពង់ចាម សហការជាមួយកងរាជអាវុធហត្ថក្រុងកំពង់ចាម បានចុះបង្រ្កាបករណីជួញដូរនូវសារធាតុញៀន ដោយឃាត់ខ្លួនជនសង្ស័យបានចំនួន ០៤នាក់ រួមមាន៖
១. ឈ្មោះ អាន លោត ភេទប្រុស អាយុ ២២ឆ្នាំ រស់នៅភូមិផ្ទះជួល ស្ថិតក្នុងភូមិទី៥ សង្កាត់វាលវង់ ក្រុងកំពង់ចាម ខេត្តកំពង់ចាម
២. ឈ្មោះ ប៊ុន ធឿនដារ៉ូ ភេទប្រុស អាយុ ១៨ឆ្នាំ រស់នៅភូមិទួលវិហារ ឃុំជីរោទិ៍ទី២ ស្រុកត្បូងឃ្មុំ ខេត្តត្បូងឃ្មុំ
៣. ឈ្មោះ ហុង ដារ៉ូ ភេទប្រុស អាយុ ១៨ឆ្នាំ រស់នៅភូមិចុងថ្នល់ទី១ សង្កាត់បឹងកុក ក្រុងកំពង់ចាម ខេត្តកំពង់ចាម
៤. ឈ្មោះ ស៊ាង ងួនស្រេង ភេទប្រុស អាយុ ២២ឆ្នាំ រស់នៅភូមិទី១០ សង្កាត់កំពង់ចាម ខេត្តកំពង់ចាម។
កម្លាំងបានដកហូតបានវត្ថុតាងមាន៖ ម្សៅក្រាមពណ៌សចំនួន ០៥, ទូរស័ព្ទដៃ ០៣គ្រឿង។
បច្ចុប្បន្នជនសង្ស័យ និងវត្ថុតាង ត្រូវបានកម្លាំងជំនាញកសាងសំណុំរឿងបញ្ជូនទៅតុលាការ ដើម្បីចាត់ការតាមនីតិវិធី។