នាយឧត្តមសេនីយ៍ សៅ សុខា និងលោកជំទាវ ជូនពរសម្តេចពិជ័យសេនា ទៀ បាញ់ ក្នុងឱកាសពិធីចម្រើនជន្មាយុ
You Might Also Like
នាយឧត្តសេមនីយ៍ សៅ សុខា ទទួលជួបប្រតិភូសាកលវិទ្យាល័យការពារជាតិ សហព័ន្ធរុស្សី
នាយឧត្តមសេនីយ៍ សៅ សុខា ជូនពរ លោកជំទាវ កិត្តិសង្គហបណ្ឌិត ម៉ែន សំអន ក្នុងឱកាសចម្រើនជន្មាយុ
នាយឧត្តមសេនីយ៍ សៅ សុខា អនុញ្ញាតឱ្យអនុព័ន្ធយោធារុស្ស៊ីចូលជួបសម្តែងការគួរសម រសៀលថ្ងៃអង្គារ ទី៧ ខែកញ្ញា ឆ្នាំ២០២១ នៅបញ្ជាការដ្ឋាន កងរាជអាវុធហត្ថលើផ្ទៃប្រទេស លោកនាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស បានអនុញ្ញាតឱ្យលោកវរនាវីឯក Ivan Stadchenko អនុព័ន្ធយោធារុស្ស៊ីចប់អាណត្តិ និងវរនាវីឯក Vitaly Luchshev អនុព័ន្ធយោធារុស្ស៊ី តែងតាំងថ្មី ប្រចាំព្រះរាជាណាចក្រកម្ពុជា ចូលជួបសម្តែងការគួរសម។ លោកវរនាវីឯក Ivan Stadchenko បានមានប្រសាសន៍ថ្លែងអំណរគុណយ៉ាងជ្រាលជ្រៅចំពោះលោកនាយឧត្តមសេនីយ៍ សៅ សុខា ដែលបានឆ្លៀតពេលដ៏មមាញឹក អនុញ្ញាតឱ្យលោកចូលជួបសម្តែងការគួរសមនិងជំរាបលា ក្នុងពេលដែលលោកត្រូវបានបញ្ចប់បេសកកម្មនៅកម្ពុជា រយៈពេល ៤ឆ្នាំហើយ មុនពេលដែលត្រូវត្រឡប់ទៅប្រទេសកំណើតវិញ។ លោកបានបន្តថា ជាការពិតកម្លាំងអាវុធហត្ថបានធ្វើការយ៉ាងសកម្មជាមួយអនុព័ន្ធយោធា ទោះបីមានវិបត្តិដោយសារតែជំងឺឆ្លងកូវិដ.១៩ ទោះជាយ៉ាងណា ស្ថាប័នកងរាជអាវុធហត្ថ នៅតែមានទំនាក់ទំនងល្អជាមួយគ្នា។ លោកវរនាវីឯកបានបន្ថែមថាក្នុងរយៈពេល ៤ឆ្នាំកន្លងមកនេះ លោកទទួលបាននូវការគាំទ្រពីស្ថាប័នកងរាជអាវុធ ពិសេសលោកនាយឧត្តមសេនីយ៍ សៅ សុខា ធ្វើឱ្យបេសកកម្មរបស់លោកសម្រេចជោគជ័យ និងមិនអាចបំភ្លេចបាននូវមិត្តភាពដ៏ល្អប្រពៃ។ ជាមួយនេះ បានកោតសរសើរចំពោះនាយអាវុធហត្ថ ពលអាវុធហត្ថ ដែលតែងតែគោរពតួនាទីភារកិច្ច យ៉ាងខ្ជាប់ខ្ជួន ពិសេសនៅពេលសេនានុព័ន្ធចេញទៅណាម្តងៗ បានសម្រួលចរាចរជូន និងសូមជូនពរឱ្យប្រទេសកម្ពុជា រួចផុតពីជំងឺកូវីដ.១៩ រស់ក្នុងភាពសុខសាន្តរីកចំរើន និងសូមកុំភ្លេចប្រទេសរុស្ស៊ី ជាមិត្តជាមួយប្រទេសកម្ពុជា ពិសេសអនុព័ន្ធយោធាថ្មី និងបន្តការងារជាមួយបន្តទៀត។ លោកវរនាវីឯក Ivan Stadchenko បានបន្តថា នៅប្រទេសរុស្ស៊ី ទើបតែបង្កើតតម្រួតយោធា ប្រសិនណាកងរាជអាវុធហត្ថ មានទំនាក់ទំនងជាមួយតម្រួតយោធារុស្ស៊ី កាន់តែល្អប្រសើរ ដែលតម្រួតយោធារុស្ស៊ី អាចផ្តល់នូវអ្វីៗ ដែលកម្ពុជា ស្នើសុំសម្ភារ បច្ចេកទេស ជាដើម។ លោកនាយឧត្តមសេនីយ៍ សៅ សុខា មានប្រសាសន៍ថា ប្រទេសរុស្ស៊ីជាមិត្តដ៏ល្អរបស់កម្ពុជា បានជួយកម្ពុជាកាលពី ៤៣ឆ្នាំមុននិងបច្ចុប្បន្ននេះ រុស្ស៊ី ឬអតីតសហភាពសូវៀត បានតែងតែផ្តល់នូវការគាំទ្រដ៏ធំធេង ក្នុងការរំដោះប្រទេសជាតិចេញពីរបបប្រល័យពូជសាសន៍ ប៉ុលពត ហើយប្រទេសរុស្ស៊ី បានជួយជាសម្ភារ ជាបច្ចេកទេស ទីប្រឹក្សា ជួយជាមន្ទីរពេទ្យរុស្ស៊ី សកលវិទ្យាល័យបច្ចេកទេសតិចណូ មជ្ឈមណ្ឌលវប្បធម៌រុស្ស៊ី នៅកម្ពុជា ជួយបណ្តុះបណ្តាលធនធានមនុស្ស ទាំងស៊ីវិល និងកងទ័ព កម្ពុជា ក្នុងក៏មានកងរាជអាវុធហត្ថផងដែរ ក្នុងខឿនការពារជាតិ និងការអភិវឌ្ឍប្រទេសជាតិ។ ទោះបីជាប្រទេសអមិត្តខ្លះ មានបំណងចង់បំផ្លាញទំនាក់ទំនងមិត្តភាពកម្ពុជា រុស្ស៊ី ប៉ុន្តែមិត្តភាពកម្ពុជា រុស្ស៊ី នៅតែរឹងមាំ ស្មោះត្រង់គ្នាដដែរ។ លោកនាយឧត្តមសេនីយ៍ សៅ សុខា នៅតែចាត់ទុករុស្ស៊ី ជាមិត្តដ៏ល្អមួយ ក្នុងចំណោមមិត្តដ៏ល្អ របស់ប្រទេសកម្ពុជា ហើយលោកវរនាវីឯក បានធ្វើឱ្យកម្ពុជា ទទួលបានផលប្រយោជន៍ជាច្រើន ក្នុងកិច្ចសហប្រតិបត្តិការរុស្ស៊ី កម្ពុជា។ លោកនាយឧត្តមសេនីយ៍ ក៏បានកោតសរសើរចំពោះលោកវរនាវីឯក ដែលបានសម្រេចភារកិច្ចដ៏ត្រចះត្រចង់ នៅកម្ពុជា និងជូនពរ សូមសម្រេចជោគជ័យភារកិច្ចថ្មីដែលរដ្ឋាភិបាលប្រគល់ជូន ព្រមទាំងបន្តសហការជាមួយអនុពន្ធ័យោធាថ្មីផងដែរ។
ឧត្តមសេនីយ៍ឯក ស៊ិន សូផាន្នី ផ្សព្វផ្សាយការងារសោធននិវត្តន៍កងរាជអាវុធហត្ថ
នាយឧត្តមសេនីយ៍ សៅ សុខា និងលោកជំទាវ ជូនពរសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ក្នុងឱកាសគម្រប់ខួបកំណើត ៦៤ ឈានចូល ៦៥ឆ្នាំ
