ថ្ងៃទី២៦ ខែមេសា ឆ្នាំ២០១៦ វេលាម៉ោង២០និង៥០នាទី នៅចំណុចមុខស្ថានីយ៌ប្រេងតេលាជិតបន្ទាយភេរវកម្ម ស្ថិតក្នុងភូមិថ្មគោល សង្កាត់​ចោមចៅ ខណ្ឌពោធិសែនជ័យ មានករណីឆក់កាបូបមួយលើកបង្ករឡើងដោយជនសង្ស័យចំនួន២នាក់ ភេទប្រុស អាយុប្រហែល​ជាង​ម្ភៃឆ្នាំរាង​ស្គម ជិះម៉ូតូមួយគ្រឿងម៉ាកC125 ពណ៌ខ្មៅស្លាកលេខភ្នំពេញ1FK7344។ ជនរងគ្រោះឈ្មោះគីន បូឡែន ភេទស្រី អាយុ២៥ឆ្នាំ មុខរបរអ៊ុតសក់ ទីលំនៅភូមិថ្មគោល សង្កាត់ចោមចៅខណ្ឌពោធិសែនជ័យ។ ដំណើរឿង៖ ជនរងគ្រោះបានធ្វើដំណើរ​មកពីធ្វើការលុះបាន​ដល់ចំណុចកើតហេតុ​ក៏ត្រូវបានជនសង្ស័យខាងលើធ្វើសកម្មភាពឆក់យកកាបូបតែម្តង។ ក្រោយពីកើតហេតុជនរងគ្រោះ​បាន​ជិះម៉ូតូតាមពីក្រោយដោយស្រែកថា ចោរៗ ធ្វើឱ្យជនសង្ស័យភ័យក៏បានទៅប៉ះដៃចង្កូតជាមួយនឹងអ្នកដំណើរហើយក៏ជ្រុលបុក​ដើមក្រខុប​ក្បែរ​នោះ​បណ្តាលឱ្យខូចខាតម៉ូតូយ៉ាងដំណំ ហើយជនសង្ស័យក៏បានរត់គេចខ្លួនដោយបន្សល់ម៉ូតូខាងលើ និងបានបោះកាបូបជនរងគ្រោះ​ចោលចម្ងាយ​ប្រហែល២០ម៉ែត្រពីកន្លែងដួលម៉ូតូ។ ជនរងគ្រោះបានប្រាប់ថា ក្នុងកាបូបគាត់មានលុយ១២៤ដុល្លារនិងទូរស័ព្ទ២គ្រឿង ហើយពេលរើសកាបូប​មកវិញ​ពិនិត្យមើលបាត់លុយ100ដុល្លារ។ គាត់មិនហ៊ានសន្និដ្ធានថាចោរលូកយកពេលវាឆក់បានឬមួយជ្រុះពេលវាបោះកាបូប​ចោលនោះ​ទេព្រោះ​កាបូប​គាត់ខូចរូត។ ម៉ូតូធ្វើសកម្មភាពបានយយកមករក្សាទុកនៅមូលដ្ឋានកងរាជអាវុធហត្ថខណ្ឌ និងបន្តស្រាវជ្រាវឆែករកអត្តសញ្ញាណ​ជនសង្ស័យ​តាមរយះស្លាកលេខម៉ូតូខាងលើ។