រាជធានីភ្នំពេញ ៖ ប្រភពពីប្រជាពលរដ្ឋនៅជិតកន្លែងកើតហេតុបានប្រាប់ GRK News មុននេះបន្តិចថា ក្រុមជនល្មើសកំពុងបាញ់តដៃជាមួយសមត្ថកិច្ចកាន់តែខ្លាំង គិតមកត្រឹមវេលាម៉ោង៥ និង៣០នាទីល្ងាច ថ្ងៃទី២៧ មេសា ២០១៦នេះ កម្លាំងអាវុធហត្ថរាជធានី និងអាវុធហត្ថខណ្ឌទួលគោក កំពុងធ្វើការឡោមព័ទ្ធផ្ទះជនសង្ស័យក្នុងករណីបង្ក្រាបគ្រឿងញៀន
ដោយត្រូវជនសង្ស័យ កំពុងលាក់ខ្លួននៅក្នុងផ្ទះ។

សូមបញ្ជាក់ថា ហេតុការណ៍នេះ កើតឡើងក្នុងពេលចុះទៅបង្ក្រាបគ្រឿងញៀន ដោយឃាត់ខ្លួនជនសង្ស័យបាន២នាក់ ហើយត្រូវក្រុមនោះបាញ់តែម្តង បង្កឱ្យភ្ញាក់ផ្អើលនារសៀលថ្ងៃទី២៧ មេសា ២០១៦ ស្ថិតនៅខាងត្បូងរង្វង់មូលកាំកូស៊ីធី ផ្លូវលេខ៣៥១ ក្នុងសង្កាត់បឹងកក់១ ខណ្ឌទួលគោក ។