ព្រះវិហារ៖ នៅវេលាម៉ោង ១០ និង០០នាទីថ្ងៃទី២៣ ខែវិច្ឆិកា ឆ្នាំ២០១៨ កម្លាំងមូលដ្ឋានកងរាជអាវុធហត្ថស្រុកជាំក្សាន្ត ដឹកនាំដោយលោកវរសេនីយ៍ត្រី ពេជ្រ សុភី មេញ្ជាការកងរាជអាវុធស្រុកជាំក្សាន្ត បានចុះបង្ក្រាបករណីរក្សាទុក ឬជួញដូរនូវសារធាតុញៀន នៅចំនុចភូមិធម្មជាតិ ឃុំស្រអែម ស្រុកជាំក្សាន្ត ខេត្តព្រះវិហារ ដោយឃាត់ខ្លួនជនសង្ស័យបានចំនួន ០៣នាក់មាន៖
១. ឈ្មោះ អ៊ីម ណុត ភេទប្រុស អាយុ ២៩ឆ្នាំ មុខរបរ មិនពិតប្រាកដ
២. ឈ្មោះ អ៊ីម វណ្ណី ភេទប្រុស អាយុ ២៧ឆ្នាំ មុខរបរមិនពិតប្រាកដ
៣. ឈ្មោះ ញឹម កុសល់ ភេទប្រុស អាយុ ២០ឆ្នាំ មុខរបរមិនពិតប្រាកដ អ្នកទាំង ៣នាក់រស់នៅភូមិធម្មជាតិ ឃុំស្រអែមស្រុកជាក្សាន្ត ខេត្តព្រះវិហារ រួមទាំងដកហូតបានវត្ថុតាងមាន៖ ម្សៅក្រាមពណ៌សថ្លា(ម៉ាទឹកកក) ចំនួន ២៣កញ្ចប់, រថយន្តកាម៉ារីកាលីពណ៌ស ពាក់ស្លាកលេខ ច.4815 ភព2 ចំនួន ០១គ្រឿង, ម៉ូតូម៉ាកMSX ពណ៌ក្រហម គ្មានស្លាកលេខ ០១គ្រឿង, លុយដុល្លា ០៥ដុល្លា, លុយរៀលចំនួន ៥,០០០រៀល, កាំភ្លើងខ្យល់ច្នៃ ០១ដើម, ដាវ ០១ និងទូរស័ព្ទដៃចំនួន ០៣គ្រឿង។
បច្ចុប្បន្នជនសង្ស័យ និងវត្ថុតាង ត្រូវបានកម្លាំងជំនាញកងរាជអាវុធហត្ថ កសាងសំណុំរឿងបញ្ជូនទៅសាលាដំបូងខេត្តព្រះវិហារ ដើម្បីបន្តនីតិវិធី។