សៀមរាប៖ ព្រឹកថ្ងៃអង្គារ ៥រោច ខែកត្តិក ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២៧ ខែវិច្ឆិកា ឆ្នាំ២០១៨ ក្រុមការងាររបស់កងរាជអាវុធហត្ថខេត្តសៀមរាប បានអញ្ជើញចូលរួមពិធីបុណ្យសពលោកអនុសេនីយត្រី វ៉ាន់ ហេង ជំនួយការមូលដ្ឋានកងរាជអាវុធហត្ថក្រុងសៀមរាប នៅគេហដ្ឋានរបស់សព ក្នុងភូមិអូរអណ្តូងកើត ឃុំបន្ទាយនាង ស្រុកមង្គលបូរី ខេត្តបន្ទាយមានជ័យ ព្រមទាំងបាននាំយកថវិការបស់លោកឧត្តមសេនីយ៍មេបញ្ជាការកងរាជអាវុធហត្ថខេត្តសៀមរាប និងថវិការួមសាមគ្គីគ្នារបស់នាយទាហាន នាយទាហានរងកងរាជអាវុធហត្ថទូទាំងខេត្តសៀមរាបចំនួន ៨,៩៥៥,០០០រៀល ចូលរួមក្នុងពិធីបុណ្យសពផងដែរ។