ស្វាយរៀង៖ ព្រឹកថ្ងៃពុធ ៦រោច ខែកត្តិក ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២៨ ខែវិច្ឆិកា ឆ្នាំ២០១៨ លោកឧត្តមសេនីយ៍ត្រី នុត នន្ទ មេបញ្ជាការរង និងជានាយសេនាធិការ តំណាងលោកឧត្ដមសេនីយ៍ត្រី សែ វុទ្ធី មេបញ្ជាការកងរាជអាវុធហត្ថខេត្តស្វាយរៀង បានដឹកនាំក្រុមការងារមូលនិធិអាវុធហត្ថ អញ្ជើញចុះសួរសុខទុក្ខ និងនាំយកថវិកាមូលនិធិមហាគ្រួសារកងរាជអាវុធហត្ថខេត្តស្វាយរៀងចំនួន ១,៥០០,០០០ រៀល, អង្ករ ២០០គីឡូក្រាម, ទឹកបរិសុទ្ធ ០៤កេស, ស្កសរ ០៥គីឡូក្រាម និងទឹកដោះគោឆៅ ០៤យួរ ទៅប្រគល់ជូនលោកស្រីនាយចំណង់ ញែម លីដា ជំនួយការការិយាល័យលេខាធិការដ្ឋាន ដែលបានសម្រាលកូនកាលពីថ្ងៃទី២៣ ខែតុលា ឆ្នាំ២០១៨ បច្ចុប្បន្នកំពុងសម្រាកនៅគេហដ្ឋាន ស្ថិតក្នុងភូមិអង្គាសដី ឃុំតាសួស ស្រុកស្វាយជ្រំ ខេត្តស្វាយរៀង ។
