ព្រះវិហារ៖ ដោយមានការណែនាំ និងចង្អុលបង្ហាញពីលោកឧត្តមសេនីយ៍ត្រី កង សៅគុណ មេបញ្ជាការកងរាជអាវុធហត្ថខេត្តព្រះវិហារ នៅវេលាម៉ោង ១៣ និង១០នាទី ថ្ងៃទី២៧ ខែវិច្ឆិកា ឆ្នាំ២០១៨ កម្លាំងមូលដ្ឋានកងរាជអាវុធហត្ថក្រុងព្រះវិហារ សហការជាមួយកម្លាំងមន្ទីរយុត្តិធម៌កងរាជអាវុធហត្ថខេត្ត ដឹកនាំដោយលោកវរសេនីយ៍ត្រី ចាន់ សុភិនណារ៉ា មេបញ្ជាការកងរាជអាវុធហត្ថក្រុង បានចុះបង្ក្រាបករណីរក្សាទុក ឬជួញដូរដោយខុសច្បាប់នូវសារធាតុញៀន នៅចំណុចមុខវត្តឧត្តមុន្នី ស្ថិតក្នុងភូមិអភិវឌ្ឍ សង្កាត់ប៉ាលហាល ក្រុង/ខេត្តព្រះវិហារ ដោយឃាត់ខ្លួនជនសង្ស័យបានម្នាក់ឈ្មោះ សុះ រិទ្ធិវ៉ាន់ ភេទប្រុស អាយុ ២៤ឆ្នាំ មុខរបរលក់ខោអាវជជុះ រស់នៅភូមិឃុំខាងលើ រួមទាំងដកហូតបានវត្ថុតាង ថ្នាំញៀនប្រភេទម្សៅក្រាមពណ៌ស ០១កញ្ចប់, ម៉ូតូចំនួន ០១គ្រឿង និងទូរស័ព្ទដៃចំនួន ០១គ្រឿង។
បច្ចុប្បន្នជនសង្ស័យ និងវត្ថុតាង ត្រូវបានកម្លាំងជំនាញកងរាជអាវុធហត្ថ កសាងសំណុំរឿងបញ្ជូនទៅតុលាការ ដើម្បីចាត់ការបន្តតាមនីតិវិធី។