បាត់ដំបង៖ នៅវេលាម៉ោង ១៦:០០ នាទី ថ្ងៃទី០៦ ខែធ្នូ ឆ្នាំ២០១៨ នៅត្រង់ចំណុចភូមិកាប់គោថ្មី សង្កាត់អូរចារ ក្រុង/ខេត្តបាត់ដំបង កម្លាំងមូលដ្ឋាន កងរាជអាវុធហត្ថក្រុងបាត់ដំបង បានចុះធ្វើការបង្ក្រាបករណី ជួញដូរ ឬប្រើប្រាស់ដោយខុសច្បាប់នូវសារធាតុញៀន ដោយឃាត់ខ្លួនជនសង្ស័យចំនួន ០៣ នាក់ ៖
១. ឈ្មោះ អ៊ិត ចិន្តា ភេទប្រុស អាយុ ៣៧ ឆ្នាំ មុខរបរ រត់ម៉ូតូឌុប មានទីលំនៅភូមិដាំស្ពៃ សង្កាត់ស្លាកែត ក្រុង/ខេត្តបាត់ដំបង ។
២. ឈ្មោះ អង ប៊ុនថន (ហៅ កែប) ភេទប្រុស អាយុ ៣០ ឆ្នាំ មុខរបរធ្វើស្រែ មានទីលំនៅភូមិសម្តេច ឃុំតាប៉ុន ស្រុកសង្កែ ខេត្តបាត់ដំបង ។
៣. ឈ្មោះ ពៅ រ៉ហ៊ីម ភេទប្រុស អាយុ ៣៥ ឆ្នាំ មុខរបរធ្វើស្រែ មានទីលំនៅភូមិបាសែត ឃុំតាប៉ុន ស្រុកសង្កែ ខេត្តបាត់ដំបង ។
វត្ថុតាងដកហូតរួមមានម្សៅក្រាមពណ៌សថ្លាចំនួន ០៤ កញ្ចប់, ទូរស័ព្ទដៃចំនួន ០៣ គ្រឿង និងសម្ភារវេចខ្ចប់គ្រឿងញៀនមួយចំនួនទៀត ។
បច្ចុប្បន្នជនសង្ស័យ រួមនឹងវត្ថុតាង មន្ត្រីជំនាញកងរាជអាវុធហត្ថខេត្ត កំពុងកសាងសំណុំរឿងតាមនីតិវីធី ។