បាត់ដំបង៖ នៅវេលាម៉ោងប្រមាណ ០៥:១០ ថ្ងៃសុក្រ ទី០៧ ខែធ្នូ ឆ្នាំ២០១៨ ចំណុចភូមិកំពង់សង្កាត់ព្រែកមហាទេព ក្រុងបាត់ដំបង កម្លាំងកងរាជអាវុធហត្ថខេត្ត បានឃាត់ខ្លួនជនសង្ស័យចំនួន ០២នាក់ពាក់ព័ន្ធករណីជួញដូរ ឬប្រើប្រាស់ដោយខុសច្បាប់នូវសារធាតុញៀន ជនសង្ស័យទាំងពីរនាក់មានឈ្មោះ បូរ៉ា សុវណ្ណ ភេទប្រុស អាយុ ២៥ ឆ្នាំ មុខរបរធ្វើស្រែ រស់នៅភូមិក្បាលថ្នល់ ឃុំកំពង់ព្រះ ស្រុកសង្កែ ខេត្តបាត់ដំបង និងឈ្មោះ លៀង រតនី ភេទប្រុស អាយុ ២៧ ឆ្នាំ មុខរបរមិនពិតប្រាកដ រស់នៅភូមិបែកចានថ្មី សង្កាត់ព្រែកព្រះស្តេច ក្រុងបាត់ដំបង ។ កម្លាំងបានចាប់យកវត្ថុតាង ម្សៅក្រាមពណ៌សថ្លាចំនួន ០២ កញ្ចប់ និងទូរស័ព្ទដៃចំនួន ០១ គ្រឿង។
បច្ចុប្បន្នជនសង្ស័យ និងវត្ថុតាង មន្ត្រីជំនាញកងរាជអាវុធហត្ថខេត្តកំពុងបន្តនីតិវិធី។