កំពត៖ នៅវេលាម៉ោង ០១ និង៣០នាទី ថ្ងៃទី០៩ ខែធ្នូ ឆ្នាំ២០១៨ កម្លាំងកងរាជអាវុធហត្ថខេត្តកំពត ដឹកនាំដោយលោក វរសេនីយ៍ទោ សេង វិច្ឆិកា មេបញ្ជាការរង បានចុះចាប់គោយន្តដឹកឈើ ០១គ្រឿង ដែលមានផ្ទុកឈើធៀវ ៥ម៉ែត្រ គុណនឹង ១២ម៉ែត្រ ចំនួន ៧៨សន្លឹក ដោយគ្មានលិខិតអនុញ្ញាត នៅចំណុចភូមិព្រៃពាយ ឃុំត្រពាំងភ្លាំង ស្រុកឈូក ខេត្តកំពត និងអ្នកបើកគោយន្តចំនួន ០៣នាក់មានឈ្មោះ ឈុន ឡាយ ភេទប្រុស អាយុ ២០ឆ្នាំ , ឈ្មោះ ហ៊ន សុខ ភេទប្រុស អាយុ ២៩ឆ្នាំ និងឈ្មោះ ទុយ ពឹង ភេទប្រុស អាយុ ៤៩ឆ្នាំ។
បច្ចុប្បន្នគោយន្ត និងឈើ ត្រូវបានប្រគល់ឱ្យផ្នែករដ្ឋបាលព្រៃឈើខេត្តកំពត ចាត់ការតាមនីតិវិធី។ ចំណែកអ្នកបើកគោយន្ត បានធ្វើកិច្ចសន្យាអប់រំ និងឱ្យត្រឡប់ទៅលំនៅឋានវិញ។