បាត់ដំបង៖ អនុវត្តយ៉ាងម៉ឺងម៉ាត់ តាមបទបញ្ជារបស់លោក នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស អំពីភារៈកិច្ចជាប្រចាំគឺបង្ការ បង្រ្កាប និងសង្រ្គោះ ពិសេសយកចិត្តទុកដាក់លើបញ្ហាភូមិ/ឃុំ មានសុវត្ថិភាព ជូនប្រជាពលរដ្ឋ។ ក្រោមបញ្ជាផ្ទាល់ពីលោក ឧត្តមសេនីយ៍ត្រី មាស សុវណ្ណ មេបញ្ជាការកងរាជអាវុធហត្ថខេត្ត បាត់ដំបង នៅម៉ោងប្រមាណ ១០ និង ១៥ នាទី ថ្ងៃ១២ ខែធ្នូ ឆ្នាំ២០១៨ ចំណុចភូមិកាប់គោថ្មី សង្កាត់អូរចារ ក្រុងបាត់ដំបង កម្លាំងការិយាល័យ គ្រឿងញៀន បានឃាត់ខ្លួនជនសង្ស័យម្នាក់ឈ្មោះ សំ គង់ ភេទប្រុស អាយុ ៤៤ ឆ្នាំ មុខរបរកម្មករ រស់នៅភូមិទូលតាឯក សង្កាត់ទូលតាឯក ក្រុងបាត់ដំបង និងចាប់យកសម្ភារមានគ្រឿងញៀនប្រភេទម៉ាទឹកកក ម្សៅក្រាមពណ៌សថ្លា ០៤កញ្ចប់, ម៉ូតូចំនួន ០១គ្រឿង និងជញ្ជីងថ្លឹងគ្រឿងញៀនចំនួន ០១គ្រឿង។
ជនសង្ស័យនិងវត្ថុតាង មន្ត្រីជំនាញកងរាជអាវុធហត្ថខេត្តកំពុងបន្តតាមនីតិវិធី។