កំពង់ស្ពឺ៖ នៅវេលាម៉ោង ២៣ និង ៤៥នាទី ថ្ងៃទី១២ ខែធ្នូ ឆ្នាំ២០១៨ នៅចំណុចភូមិផ្សារចាស់សង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ កម្លាំងការិយាល័យគ្រឿងញៀនកងរាជអាវុធហត្ថខេត្តកំពង់ស្ពឺដឹកនាំដោយលោក អនុសេនីយ៍ត្រី ពេជ្រ ទីន នាយការិយាល័យគ្រឿងញៀន បានចុះបង្រ្កាបករណីចែកចាយគ្រឿងញៀន និងបានឃាត់ខ្លួនជនសង្ស័យចំនួន ០២នាក់ មានឈ្មោះ ម៉ៅ ប៊ុនថា ភេទប្រុស អាយុ ៣៥ឆ្នាំ មុខរបរមិនពិតប្រាកដ មានទីលំនៅភូមិទួលគោក សង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ និងឈ្មោះ សោ ភណ្ឌ័សំណាង ភេទប្រុស អាយុ ៣៦ឆ្នាំ មុខរបរមិនពិតប្រាកដ មានទីភូមិសង្កាត់កើតហេតុខាងលើ។ កម្លាំងបានដកហូតវត្ថុតាងមាន ទូរស័ព្ទចំនួន ០៦គ្រឿង, ម្សៅក្រាមពណ៌សថ្លាម៉ាទឹកកក ចំនួន ០១កញ្ចប់ និងកង់ ០១គ្រឿង។ បច្ចុប្បន្នជនសង្ស័យ និងវត្ថុតាង មន្ត្រីជំនាញកងរាជអាវុធហត្ថខេត្តកំពុងបន្តនីតិវិធី ។