ព្រះសីហនុ: វេលាម៉ោង១៧ និង ៣០នាទី ថ្ងៃទី២៩ ខែមេសា ឆ្នាំ២០១៦ កម្លាំងកងរាជអាវុធហត្ថ ខេត្តព្រះសីហនុ បានបង្ក្រាបករណីពាក់ព័ន្ធនូវសារធាតុញៀនខុសច្បាប់ចំនួន០១លើក ស្ថិតនៅចំណុច
មុខមន្ទីរពេទ្យបង្អែកខេត្ត(ពេទ្យចំការចេក) សង្កាត់លេខ០៤ ខេត្តព្រះសីហនុ។ បើតាមភ្នាក់ងាររបស់ GRK News បានអោយដឹងថា កម្លាំងអាវុធហត្ថ ខេត្តព្រះសីហនុ បានឃាត់ខ្លួនជនសង្ស័យចំនួន ០១នាក់ ជាម្ចាស់គ្រឿងញៀន ដែលមានឈ្មោះ ឡាក់ សែន ភេទប្រុស អាយុ២៤ឆ្នាំ មុខរបរជាអ្នកបើកបរតាក់ស៊ី និងភ្ញៀវដែលជិះតាក់ស៊ីនោះចំនួន ០៤នាក់ផ្សេងទៀត។
+វត្ថុតាងចាប់យកបានរួមមាន :
១-កញ្ឆាចំនួន ០១កញ្ចប់ ដែលមានទម្ងន់ស្មើ ០១គីឡូក្រាម
២-ទូរស័ព្ទដៃចំនួន ០១គ្រឿង
៣.រថយន្តចំនួន ០១គ្រឿង។
ជនសង្ស័យ និងវត្ថុតាង ត្រូវកម្លាំងអាវុធហត្ថ ខេត្តព្រះសីហនុ កំពុងកសាងសំណុំរឿងដើម្បីបន្តរនីតិវិធី។
