បាត់ដំបង៖ ដោយមានការយកចិត្តទុកដាក់ពីលោក ឧត្តមសេនីយ៍ត្រី មាស សុវណ្ណ មេបញ្ជាការកងរាជអាវុធហត្ថខេត្តបាត់ដំបង អំពីភារៈកិច្ចជាប្រចាំគឺបង្ការ បង្រ្កាប និងសង្រ្គោះ ពិសេសយកចិត្តទុកដាក់លើបញ្ហាភូមិ/ឃុំ មានសុវត្ថិភាព ជូនប្រជាពលរដ្ឋ។
ជាក់ស្តែងកាលពីវេលាម៉ោង ០៤:៣០ នាទី ទៀបភ្លឺ ថ្ងៃទី២១ ខែធ្នូ ឆ្នាំ២០១៨ នៅចំណុចក្រុមទី៤០ ភូមិម្ភៃឧសភា សង្កាត់ស្វាយប៉ោ ក្រុង/ខេត្តបាត់ដំបង កម្លាំង មូលដ្ឋានកងរាជអាវុធហត្ថក្រុងបាត់ដំបង បានចុះធ្វើការបង្ក្រាបករណីជួញដូរ ឬប្រើសប្រាស់ដោយខុសច្បាប់នូវសារធាតុញៀន ដោយឃាត់ខ្លួនជនសង្ស័យបានចំនួន ០១ នាក់ ឈ្មោះ ផុន សុទ្ធីរុង ហៅ គិរី ភេទប្រុស អាយុ ២៥ ឆ្នាំ មុខរបរ មិនពិតប្រាកដ មានទីលំនៅក្រុមទី១៧ ភូមិទួលតាឯក សង្កាត់ទួលតាឯក ក្រុង/ខេត្តបាត់ដំបង ។
វត្ថុតាងដកហូតរួមមាន៖
១. សារធាតុញៀនប្រភេទម្សៅក្រាមពណ៌សរឹងថ្លា (ទឹកកក) ចំនួន ០៥ កញ្ចប់ ។
២. ម៉ូតូចំនួន ០១ គ្រឿង ។
ក្រោយពីការសារសួររួច នៅវេលាម៉ោង ១៥:០០ នាទី ថ្ងៃទី២១ ខែធ្នូ ឆ្នាំ២០១៨ កម្លាំង មូលដ្ឋានកងរាជអាវុធហត្ថក្រុងបាត់ដំបង បានបន្តស្រាវជ្រាវចាប់ខ្លួនជនសង្ស័យជាមេក្លោងជួញដូរគ្រឿងញៀនបានចំនួន ០១ នាក់ ទៀតឈ្មោះ ចិន ធារិទ្ធិ ហៅ ហ៊ាញ ភេទប្រុស អាយុ ៣៧ ឆ្នាំ មុខរបរកម្មករ មានទីលំនៅភូមិកំពង់ក្របី សង្កាត់ស្វាយប៉ោ ក្រុង/ខេត្តបាត់ដំបង ។
វត្ថុតាងដកហូតរួមមាន៖
១. ម៉ូតូចំនួន ០១ គ្រឿង ។
២. ទូរស័ព្ទចំនួន ០២ គ្រឿង ។
បច្ចុប្បន្នជនសង្ស័យ រួមនឹងវត្ថុតាងកំពុងកសាងសំណុំរឿង ដើម្បីបញ្ជូនទៅតុលាការ។