កណ្តាល៖ នៅវេលាម៉ោង ២២ និង ៣០នាទី ថ្ងៃទី២២ ខែធ្នូ ឆ្នាំ២០១៨ កម្លាំង កងរាជអាវុធហត្ថស្រុកលើកដែក ដឹកនាំដោយលោកមេបញ្ជាការស្រុក បានចុះបង្ក្រាបករណីរក្សាទុក និងជួញដូរដោយខុសច្បាប់នូវសារធាតុញៀន នៅចំណុចក្នុងតូបធ្វើម៉ូតូរបស់ឈ្មោះ សេន ប៊ុនរ៉ុង ស្ថិតក្នុងភូមិអំពិលទឹក ឃុំកំពង់ភ្នំ ស្រុកលើកដែក ខេត្តកណ្ដាល ដោយឃាត់ខ្លួនជនសង្ស័យចំនួន០១នាក់ ឈ្មោះ សេន ប៊ុនរ៉ុង ហៅថៃឡឺ ភេទប្រុស អាយុ ២៣ឆ្នាំ ជនជាតិខ្មែរ មុខរបរជាងជួសជុលម៉ូតូ មានទីលំនៅភូមិកោះចំរើន ឃុំកំពង់ភ្នំ ស្រុកលើកដែក ខេត្តកណ្ដាល។
ដកហូតវត្ថុតាងរួមមាន
-ថ្នាំញៀន(ម៉ាទឹកកក) ចំនួន ១៥កញ្ចប់។
-ម៉ូតូចំនួន ០១គ្រឿង
-ទូរស័ព្ទចំនួន ០១គ្រឿង
បច្ចុប្បន្ន ជនសង្ស័យ និង វត្ថុតាងមន្ត្រីជំនាញកងរាជអាវុធហត្ថខេត្ត បានកសាងសំណុំរឿងបញ្ជូនទៅសាលាដំបូងខេត្តរួច។
