កណ្តាល៖ ថ្ងៃសៅរ៍ ៧រោច ខែមិគសិរ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២៩ ខែធ្នូ ឆ្នាំ២០១៨ លោកវរសេនីយ៍ឯក ច័ន្ទ សារ៉ាដែន មេបញ្ជាការរង តំណាងលោកឧត្តមសេនីយ៍ត្រី សំ តុលា មេបញ្ជាការកងរាជអាវុធហត្ថខេត្តកណ្តាល បានដឹកនាំប្រតិភូរបស់កងរាជអាវុធហត្ថខេត្តកណ្តាល អញ្ជើញចូលរួមគោរពវិញ្ញាណក្ខន្ធសព លោកឧត្តមសេនីយ៍ឯក ហូ ចិន្ថា នាយទាហាន នៃបញ្ជាការដ្ឋានអង្គរក្សការពារផ្ទាល់ ដែលបានទទួលមរណៈភាពក្នុងជន្មាយុ ៥៨ឆ្នាំ ដោយរោគាពាធ។
ក្នុងឱកាសនោះ លោកមេបញ្ជាការរងខេត្ត បាននាំយកថវិកាមួយចំនួន ប្រគល់ជូនដល់គ្រួសារសព ស្ថិតនៅបន្ទាយសុវត្ថិភាពអង្គរក្សស្វាយរលំ ក្រុងតាខ្មៅ ខេត្តកណ្តាល។