បន្ទាយមានជ័យ៖ នៅវេលាម៉ោងថ្ងៃទី០១ ខែមករា ឆ្នាំ២០១៩ វេលាម៉ោង ១១ និង ៣០នាទី កម្លាំងជំនាញការិយាល័យប្រឆាំងបទល្មើសគ្រឿងញៀន ដឹកនាំដោយលោកវរសេនីយ៍ឯក ស ប៊ុនសឿង មេបញ្ជាការរង ទទួលការងារប្រឆាំងបទល្មើសគ្រឿងញៀន សហការជាមួយកម្លាំងមូលដ្ឋានកងរាជអាវុធហត្ថស្រុកម៉ាឡៃ និងដោយមានការសម្របសម្រួលពីលោក តេង សាម៉ៃ ព្រះរាជអាជ្ញារងអមសាលាដំបូងខេត្ត បានចុះប្រតិបត្តិបង្រ្កាបករណី ជួញដូរដោយខុសច្បាប់នូវសារធាតុញៀន និងឃាត់ខ្លួនជនសង្ស័យបានចំនួន ០៤នាក់ នៅចំណុចទន្សាយអើត ស្ថិតក្នុងភូមិបន្ទាយទី១ ឃុំទួលពង្រ ស្រុកម៉ាឡៃ ខេត្តបន្ទាយមានជ័យ ។
ជនសង្ស័យទាំងបួននាក់រួមមាន៖
១-ឈ្មោះ សៀក ហេង ភេទ ប្រុស អាយុ ៣០ឆ្នាំ មុខរបរជាងជួសជុលរថយន្ត បច្ចុប្បន្នស្នាក់នៅបន្ទប់ជួលក្នុងសង្កាត់ប៉ោយប៉ែត ក្រុងប៉ោយប៉ែត
២-ឈ្មោះ ឡាច ផល្លា ភេទប្រុស អាយុ ៥២ឆ្នាំ មុខរបរជាងដែក បច្ចុប្បន្នស្នាក់នៅភូមិបាលិលេយ្យ១ សង្កាត់ប៉ោយប៉ែត ក្រុងប៉ោយប៉ែត
៣-ឈ្មោះ សោម គឹមដេត ភេទប្រុស អាយុ ២៨ឆ្នាំ មុខរបរជាងកាត់ដេរ បច្ចុប្បន្នស្នាក់នៅភូមិបាលិលេយ្យ១ សង្កាត់ប៉ោយប៉ែត ក្រុងប៉ោយប៉ែត
៤-ឈ្មោះ នី ផាន់ណូ ភេទប្រុស អាយុ ៣២ឆ្នាំ មុខរបរបុគ្គលិកអនឡាញបច្ចុប្បន្នស្នាក់នៅភូមិក្បាលស្ពាន សង្កាត់ប៉ោយប៉ែត ក្រុងប៉ោយប៉ែត។
កម្លាំងបានដកហូតវត្ថុតាង គ្រឿងញៀនមេតំហ្វេតាមីនទឹកកក ចំនួន ០១កូនថង់កឹប, រថយន្តកាមេរីឆ្លាម ស៊េរីឆ្នាំ១៩៩៣ ពណ៌ក្រហម ០១គ្រឿង, ទូរស័ទ្ទចំនួន ០៤គ្រឿង, ចិញ្ចៀនលោហធាតុពណ៌លឿងចំនួន ០២វង់, នាឡិកាដៃ ០១គ្រឿង។
បច្ចុប្បន្ន មន្ត្រីជំនាញកងរាជអាវុធហត្ថ បានកសាងសំណុំរឿងបញ្ជូនទៅសាលាដំបូងខេត្ត ដើម្បីបន្តនីតិវិធី។