ក្រចេះ៖ ដោយមានការសម្របសម្រួលពីលោក កែវ សុជាតិ ព្រះរាជអាជ្ញាអមសាលាដំបូងខេត្តក្រចេះ នៅវេលាម៉ោង ១៩ និង ០៥នាទី ថ្ងៃទី១២ ខែមករា ឆ្នាំ២០១៩ កម្លាំងអាវុធហត្ថក្រុងក្រចេះ ដឹកនាំដោយលោកវរសេនីយ៍ត្រី ផាត សុភ័ក្រ្តវាសនា មេបញ្ជាការមូលដ្ឋាន កងរាជអាវុធហត្ថក្រុងក្រចេះ សហការជាមួយកម្លាំងកងរាជអាវុធហត្ថខេត្ត ចុះបង្ក្រាបករណីចែកចាយសារធាតុញៀននៅចំណុចភូមិស្រែស្ដៅ សង្កាត់អូរឬស្សី ក្រុង/ខេត្តក្រចេះ ដោយឃាត់ជនសង្ស័យបានចំនួន ០២នាក់មានឈ្មោះ នួន ដារ៉ា ភេទប្រុស អាយុ ២៦ឆ្នាំ រស់នៅភូមិច្រវ៉ាកោះដាច់ ឃុំគោលាប់ ស្រុកចិត្របុរី ខេត្តក្រចេះ និងឈ្មោះ ស៊ុន គឹមហាន ភេទប្រុស អាយុ ១៦ឆ្នាំ មុខរបរជាងផ្សារដែក រស់នៅភូមិស្រែស្ដៅ សង្កាត់អូរឬស្សី ក្រុង/ខេត្តក្រចេះ រួមទាំងដកហូតបានវត្ថុតាងមាន៖ ម្សៅក្រាមពណ៌ស (ម៉ាទឹកកក) ចំនួន១០ កញ្ចប់តូច, ដែកកេះចំនួន ០២, ថង់សំរាប់រំលែកសារធាតុញៀនចំនួន ២៥ និងសម្ភារៈសម្រាប់ជក់ថ្នាំញៀនមួយចំនួនទៀត។
បច្ចុប្បន្នជនសង្ស័យ និងវត្ថុតាង ត្រូវបានកម្លាំងជំនាញ កសាងសំណុំរឿងបញ្ជូនទៅតុលាការ ដើម្បីបន្តនីតិវិធី។