ស្វាយរៀង៖ ព្រឹកថ្ងៃអង្គារ ១០កើត ខែបុស្ស ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១៥ ខែមករា ឆ្នាំ២០១៩ លោកវរសេនីយ៍ឯក យស សុវណ្ណា នាយរងសេនាធិការតំណាងលោកឧត្តមសេនីយ៍ត្រី សែ វុទ្ធី មេបញ្ជាការកងរាជអាវុធហត្ថខេត្តស្វាយរៀង បានដឹកនាំប្រតិភូកងរាជអាវុធហត្ថខេត្តស្វាយរៀង នាំយកថវិកាមូលនិធិមហាគ្រួសារកងរាជអាវុធហត្ថចំនួន ៤៥.០៨៥.៥០០រៀល ប្រគល់ជូនដល់គ្រួសារសពលោកវរសេនីយ៍ឯក ម៉ែន សំអឿន មេបញ្ជាការរងកងរាជអាវុធហត្ថខេត្តស្វាយរៀង ដែលបានទទួលមរណៈភាពកាលពីថ្ងៃទី៣១ ខែធ្នូ ឆ្នាំ២០១៨ ស្ថិតនៅភូមិច្រកស្វាយ ឃុំស្ដៅកោង ស្រុកបាភ្នំ ខេត្តព្រៃវែង។
