បាត់ដំបង៖ ក្រោមការយកចិត្តទុកដាក់ និងបញ្ជាផ្ទាល់ពីលោកឧត្តមសេនីយ៍ត្រី មាស សុវណ្ណ មេបញ្ជាការកងរាជអាវុធហត្ថខេត្តបាត់ដំបង អំពីការការពារសន្តិសុខ សុវត្ថិភាពជូនប្រជាពលរដ្ឋតាមបណ្តាភូមិ-ឃុំ កាលពីវេលាម៉ោង ១០ និង ៣០នាទី ថ្ងៃទី១៤ ខែមករា ឆ្នាំ២០១៩ នៅចំណុចភូមិ២០ឧសភា សង្កាត់ស្វាយប៉ោ ក្រុងបាត់ដំបង កម្លាំងការិយាល័យកងរាជអាវុធហត្ថ បានឃាត់ខ្លួនជនសង្ស័យម្នាក់ពាក់ព័ន្ធនឹងករណីគ្រឿងញៀន។
ជនសង្ស័យមានឈ្មោះ ឡាយ ផល្លី ភេទប្រុស អាយុ ៣១ឆ្នាំ មុខរបរមិនពិតប្រាកដ រស់នៅភូមិកំពង់ក្របី សង្កាត់ស្វាយប៉ោ ក្រុងបាត់ដំបង រួមទាំងដកហូតបានវត្ថុតាងមានគ្រឿងញៀនចំនួន ០៣កញ្ចប់, ម៉ូតូ ០១គ្រឿង, ទូរស័ព្ទដៃចំនួន ០៣គ្រឿង និងជញ្ជីងថ្លឹងគ្រឿងញៀន ០១ គ្រឿង។
បច្ចុប្បន្នជនសង្ស័យ និងវត្ថុតាង ត្រូវបានកម្លាំងជំនាញកងរាជអាវុធហត្ថខេត្តកំពុងកសាងសំណុំរឿងបញ្ជូនទៅតុលាការ។