កំពង់ចាម៖ នៅវេលាម៉ោង០៩ ព្រឹកថ្ងៃចន្ទ ទី០៤ ខែកុម្ភៈ ឆ្នាំ២០១៩ នៅចំណុចភូមិទី៦ សង្កាត់កំពង់ចាម ក្រុងកំពង់ចាម ខេត្តកំពង់ចាម កម្លាំងជំនាញកងរាជអាវុធហត្ថខេត្តកំពង់ចាម បាបង្រ្កាបករណីជួញដូរគ្រឿងញៀន ដោយឃាត់ខ្លួនជនសង្ស័យបានចំនួន ០៣នាក់ និងនៅវេលាម៉ោង ១៥ និង១៥នាទីថ្ងៃដដែល នៅចំណុចភូមិផ្លាក ឃុំចំការអណ្តូង ស្រុកចំការលើ ខេត្តកំពង់ចាម កម្លាំងជំនាញកងរាជអាវុធហត្ថខេត្ត សហការជាមួយ កម្លាំងមូលដ្ឋាន កងរាជអាវុធហត្ថស្រុកចំការលើ នឹងកំលាំងស្នាក់ការសន្តិសុខ ៧១០ បានបង្រ្កាបករណីគ្រឿងញៀន ដោយឃាត់ខ្លួនជនសង្ស័យបានចំនួន ០២នាក់បន្ថែមទៀត ជនសង្ស័យរួមមានៈ
១-ឈ្មោះ ជា ផានិត ភេទប្រុស អាយុ ២០ឆ្នាំ ជនជាតិខ្មែរ មុខរបរមិនពិតប្រាកដ រស់នៅភូមិវាលស្បូវ ឃុំអំពិល ស្រុកកំពង់ សៀម ខេត្តកំពង់ចាម ។
២- ឈ្មោះ ឈិន ផានុត ភេទប្រុស អាយុ ២៦ឆ្នាំ ជនជាតិខ្មែរឥស្លាម មុខរបរមិនពិតប្រាកដ រស់នៅភូមិបឹងស្នាយ សង្កាសំបួរមាស ក្រុងកំពង់ចាម ខេត្តកំពង់ចាម ។
៣-ឈ្មោះ ហាក់ គឹមស្រឿន (ហៅឆាយ) ភេទប្រុស អាយុ ២៣ឆ្នាំ រស់នៅភូមិបឹងកុក២ សង្កាត់បឹងកុក ក្រុងកំពង់ចាម ខេត្តកំពង់ចាម។
៤-ឈ្មោះ សុខ ចាន់និត ភេទប្រុស អាយុ ២៥ឆ្នាំ ជនជាតិខ្មែរ មុខរបរមិនពិតប្រាកដ រស់នៅភូមិតាប៉ាង ០៣ ឃុំតាប្រុក ស្រុកចំការលើ ខេត្តកំពង់ចាម ។
៥- ឈ្មោះ សុក វណ្ណៈ ភេទប្រុស អាយុ ៣៥ឆ្នាំ ជនជាតិខ្មែរ មុខរបរមិនពិតប្រាកដ រស់នៅភូមិតាប៉ាង ០៣ ឃុំតាប្រុក ស្រុកចំការលើ ខេត្តកំពង់ចាម ។
វត្ថុតាងចាប់យករួមមាន៖
-ម្សៅក្រាមពណ៌សថ្លាចំនួន ០៥កញ្ចប់
-ទូរស័ព្ទដៃចំនួន ០៣គ្រឿង និងឧបករណ៍ប្រើប្រាស់គ្រឿងញៀនមួយចំនួនទៀត។
បច្ចុប្បន្នជនសង្ស័យ និងវត្ថុតាង មន្ត្រីជំនាញកំពុងចាត់ការតាមនីតិវិធី ។